[CPD Classification 2.5.13]
[PTS Vol Ap 1 ] [\z Ap /] [\f Ia /]
[BJT Vol Ap 1 ] [\z Ap /] [\w Ia /]
[BJT Page 240] [\x 240/]
[PTS Page 140] [\q 140/]
Suttapiṭake khuddakanikāye
Apadānapāḷi.
Namo tassa bhagavato arahato sammāsambuddhassa.
Bhikkhādāyivaggo
101. Bhikkhādāyakattherāpadānaṃ.
1611. Suvaṇaṇavaṇṇaṃ
sambuddhaṃ āhutinaṃ paṭiggahaṃ,
Pavanā abhinikkhantaṃ vanā
nibbanamāgataṃ.
1612. Kaṭacchubhikkhaṃ pādāsiṃ
siddhatthassa mahesino,
Paññassa3- upasantassa mahāvīrassatādino.
1613. Padenānupadaṃ yantaṃ4-
nibabāpente5- mahājanaṃ,
Uḷārā vitti me jātā
buddhe ādiccabandhuti6-
1614. Catunavute ito kappe yaṃ dānamadadiṃ
tadā,
Duggatiṃ nābhijānāmi
bhikkhādānassidaṃ phalaṃ.
1615. Sattāsitimhi’to kappe mahāreṇusanāmakā,
Sattaratanasampannā satte’va cakkavattino.
1616. Paṭisambhidā catasse ca
vimokkhā’pi ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
bhikkhādāyako thero imā gathāyo abhāsitthāti.
- Bhikkhādāyakattherassa apadānaṃ
paṭhamaṃ. -
1. Catunavute, [PTS] 2. Ca dhammako, [PTS] 3. Paññāya, simu 4. Yanto, simu 5. Nibbāpentaṃ, [PTS] 6. Vitti me pāhuṇā tāva buddhassādiccabandhuno, syā [PTS] se 6. Bandhune, machasaṃ
[BJT Page 242] [\x 242/]
102. Ñāṇasaññakattherāpadānaṃ.
1617. Suvaṇṇavaṇṇaṃ
sambuddhaṃ nisabhājāniyaṃ yathā,
Tidhā pabhinnamātaṅgaṃ
kuñajaraṃ’va mahesinaṃ.
1618. Obhāsantaṃ disā sabbā
uḷurājaṃ’va puritaṃ,
Rathiyaṃ paṭipajjantaṃ lokajeṭṭhaṃ
apassisaṃ1
1619. Ñāṇe cittaṃ pasādetvā
paggahetvāna añjaliṃ,
Pasannacitto sumano siddhatthaṃ abhivādayiṃ.
1620. Catunavute ito kappe yaṃ kammamakariṃ
tadā,
Duggatiṃ nābhijānāmi
ñāṇasaññāyidaṃ phalaṃ.
1621. Tesattatimbhi’to kappe soḷasā’suṃ
naruttamā,
Sattaratanasampannā cakkavatti mahabbalā.
[PTS Page 141] [\q 141/]
1622. Paṭisambhidā catasse ca
vimokkhā’pi ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
ñāṇasaññako thero imā gathāyo
abhāsitthāti.
- Ñāṇasaññakattherassa
apadānaṃ dutiyaṃ. -
103. Uppalahatthittherāpadānaṃ.
1623. Tivarāyaṃ nivāsi’haṃ
ahosiṃ māliko tadā,
Addasaṃ virajaṃ buddhaṃ siddhatthaṃ
lokanāyakaṃ.
1624. Pasannacitto sumano pupphahatthamadāsahaṃ,
Yattha yatthupapajjāmi tassa kammassa
vāhasā.
1625. Anubhomi phalaṃ iṭṭhaṃ
pubbe sukatamattano,
Parikkhitto sumallehi pupphadānassidaṃ2-
phalaṃ.
1626. Catunavute ito kappe yaṃ pupphamabhiropayiṃ,
Duggatiṃ nābhijānāmi
buddhapujāyidaṃ phalaṃ.
1627. Catunavutupādāya ṭhapetvā
vattamānakaṃ,
Pañcarājasatā tattha najjupama3-
sanāmakā.
1628. Paṭisambhidā catasse ca
vimokkhā’pi ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
uppalahatthiyo thero imā gathāyo abhāsitthāti.
- Uppalahatthiyattherassa apadānaṃ
tatiyaṃ. -
1. Ajassihaṃ, simu 2. Sasaññāya, [PTS] se 3. Najjasama, machasaṃ se
[BJT Page 244] [\x 244/]
104. Padapujakattherāpadānaṃ
1629. Siddhatthassa bhagavato jātipupphamadāsahaṃ,
Pādesu sattapupphāni hāsenokiritāni1-
me.
1630. Tena kammena’haṃ ajja atibhomi narāmare,
Dhāremi antimaṃ dehaṃ sammāsambuddhasāsane.
[PTS Page 142] [\q 142/]
1631. Catunavute ito kappe yaṃ pupphamabhiropayiṃ,
Duggatiṃ nābhijānāmi
pupphapujāyidaṃ phalaṃ.
1632. Samantagandhanāmāsuṃ
terasa cakkavattino,
Ito pañcamake kappe cāturāntā
janādhipā2-
1633. Paṭisambhidā catasse ca
vimokkhā’pi ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
padapujako thero imā gathāyo abhāsitthāti.
- Padapujakattherassa apadānaṃ
catutthaṃ. -
105. Muṭṭhipupphiyattherāpadānaṃ.
1634. Sudassanoti nāmena mālākāro
ahaṃ tadā,
Addasaṃ virajaṃ buddhaṃ lokajeṭṭhaṃ
narāsabhaṃ.
1635. Jātipupphaṃ gahevona pujayiṃ
padumuttaraṃ,
Visuddhacakkhu sumano dibbacakkhuṃ samajjhagaṃ.
1636. Etissā pupphapujāya cittassa
paṇidhihi ca,
Kappānaṃ satasahassaṃ duggatiṃ
nupapajjati.
1637. Soḷasāsiṃsu rājāno
devuttarasanāmakā,
Chattiṃsamhi ito kappe cakkavatti mahabbalā.
1638. Paṭisambhidā catasse ca
vimokkhā’pi ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
muṭṭhipupphiyo thero imā gathāyo abhāsitthāti.
- Muṭṭhipupphiyattherassa apadānaṃ
pañcamaṃ. -
1. Hāsena kāritāni, [PTS] hāsenākiritāni, the 2. Gaṇadhipā, [PTS] se
[BJT Page 246] [\x 246/]
106. Udakapujakattherāpadānaṃ.
1639. Suvaṇṇavaṇṇaṃ
sambuddhaṃ gacchantaṃ anilañajase,
Ghatāsanaṃ’va jalitaṃ ādittaṃ’va
hutāsanaṃ.
1640. Pāṇinā udakaṃ
gayha ākāse ukkhipiṃ,
Sampaṭicchi mahāvīro buddho
kāruṇiko isi1-
[PTS Page 143] [\q 143/]
1641. Antalikkhe ṭhito satthā
padumuttaranāmako,
Mama saṅkappamaññāya
imaṃ gāthaṃ abhāsatha:
1642. "Iminedakadānena pitiuppādanena
ca,
Kappasatasahassamhi2- duggatiṃ nupapajjati"3-
1643. Tena kammena dipadinde lokajeṭṭhe
narāsabhe,
Pattomhi acalaṃ ṭhānaṃ
hitvā jayaparājayaṃ.
1644. Sahassarājanāmena tayo te
cakkavattino,
Pañcasaṭṭhi kappasate
cāturantā janādhipā.
1645. Paṭisambhidā catasse ca
vimokkhā’pi ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
udakapujako thero imā gathāyo abhāsitthāti.
- Udakapūjakattherassa apadānaṃ
catutthaṃ. -
107. Naḷamāliyattherāpadānaṃ.
1646. Padumuttarabuddhassa lokajeṭṭhassa
tādino,
Tiṇatthare4- nisinnassa upasantassa
tādino.
1647. Naḷamālaṃ gahetvāna
bandhitvā vijaniṃ ahaṃ,
Buddhassa upanāmesiṃ dipadindassa
tādino.
1648. Paṭiggahetvā sabbaññu
vijaniṃ lokanāyako,
Mama saṅkappamaññāya
imaṃ gāthaṃ abhāsatha:
1649. "Yathā me kāyo nibbāti
pariḷāho na vijjati,
Tatheva tividhaggihi cittaṃ tava vimuccatu"
1650. Sabbe devā samāgacchuṃ
ye keci vananissitā5-
Sossāma buddhavacanaṃ hāsayantaṃ
ca dāyakaṃ’
1651. Nisinno bhagavā tattha devasaṃghapurakkhato,
Dāyakaṃ sampahaṃsento imā
gāthā abhāsatha:
1. Mayi, [PTS] se 2. Sahassamhi, machasaṃ 3. Nupagacchati, [PTS] 4. Tiṇannare, [PTS] se tiṇasatthare, the 5. Dumanissitā, [PTS] se.
[BJT Page 248] [\x 248/]
1652. "Iminā vijanidānena cittassa
paṇidhihi ca,
Subbato nāma nāmena cakakvatti
bhavissati.
[PTS Page 144] [\q 144/]
1653. Tena kamamāvasesena sukkamūlena
codito,
Māluto nāma nāmena cakkavatti
bhavissati.
1654. Iminā vijanidānena sammānavipulena
ca,
Kappasatasahassamhi duggatiṃ nupapajjati"
1655. Tiṃsakappasahassamhi subbatā
aṭṭhatiṃsa te,
Ekunatiṃsahasse aṭṭha mālutanāmakā.
1656. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
naḷamāliyo thero imā gathāyo abhāsitthāti.
- Naḷamāliyattherassa apadānaṃ1-
sattamaṃ. -
Sattamabhāṇavāraṃ
niṭṭhitaṃ.
108. Āsanupaṭṭhāpakattherāpadānaṃ.
1657. Kānanaṃ vanamogayha appasaddaṃ
nirākulaṃ,
Sihāsanaṃ mayā dinnaṃ
atthadassissa tādino.
1658. Mālahatthaṃ gahetvāna
katvā ca naṃ padakkhiṇaṃ,
Satthāraṃ payirupāsitvā
pakkāmiṃ uttarāmukho.
1659. Tena kammena dipadinde lokajeṭṭhe
narāsabhe,
Sannibbāpemi attānaṃ2- bhavā
sabbe samuhatā.
1660. Aṭṭhārase3- kappasate
yaṃ dānamadadiṃ tadā,
Duggatiṃ nābhijānāmi
sihāsanasasidaṃ phalaṃ.
1661. Ito satatakappasate sannibbāpaka
khattiyo,
Sattaratanasampanno cakkavatti mahabbalo.
1662. Paṭisambhidā catasso vimokkhā’pi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
āsanupaṭṭhāpaka4- thero imā gathāyo
abhāsitthāti.
- Āsanupaṭṭhāpakattherassa
apadānaṃ aṭṭhamaṃ. -
1. Naḷamāliya therassāpadānaṃ. Machasaṃ 2. Sannibbāpesimattānaṃ, se 3. Aṭṭārasa, machasaṃ 4. Āsanupaṭṭhāhaka, machasaṃ
[BJT Page 250] [\x 250/]
109. Biḷālidāyakattherāpadānaṃ.
1663. Himavantassa avidūre vasāmi
paṇṇasatthare,
Ghāsesu gedhamāpanno seyyasilo
vahaṃ tadā.
1664. Khaṇāntālu kalambāni
biḷāni nakkalāni ca,
Kolaṃ bhallātakaṃ billaṃ
ābhitvā1- paṭiyāditaṃ.
1665. Padumuttaro lokavidu āhutinaṃ
paṭiggaho,
Mama saṅkappamaññāya
āgacchi mama santikaṃ.
1666. Upāgataṃ mahānāgaṃ
devadevaṃ narāsabhaṃ,
Biḷāliṃ paggahetvāna
pattamhi okiriṃ ahaṃ.
1667. Paribhuñaji mahāvīro
tosayanetatā mamaṃ tadā,
Paribhuñajitvāna sabbaññu
imaṃ gāthaṃ abhāsatha.
1668. "Sakaṃ cittaṃ padādetvā
biḷāliṃ me adā tuvaṃ,
Kappānaṃ satasahasasaṃ duggatiṃ
nupagacchasi"2-
1669. Catupaññāsito kappe
sumekhaliya savahayo, 5-
Sattaratanasampanno cakkavatti mahabbalo*
1670. Carimaṃ vattate mayhaṃ bhavā
sabbe samuhatā,
Dhāremi antimaṃ dehaṃ sammāsambuddhasāsane.
1671. Paṭisambhidā catasso ca
vimokkhāpi ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
biḷādāyako thero imā gathāyo abhāsitthāti.
- Biḷādāyakattherassa apadānaṃ
navamaṃ. -
[PTS Page 146] [\q 146/]
110. Reṇupajakattherāpadānaṃ.
1672. Suvaṇṇavaṇṇaṃ
sambuddhaṃ sataraṃsiṃ’va bhānumaṃ,
Obhāsentaṃ disā sabbā
uḷurājaṃ’va puritaṃ.
1673. Purakkhataṃ sāvakehi sāgarehe’va3-
mediniṃ,
Nāgaṃ paggayha reṇuhi vipassissā
bhiropayiṃ.
1674. Ekavute ito kappe yaṃ reṇumabhiropayiṃ,
Duggatiṃ nābhijānāmi
buddhapujāyidaṃ phalaṃ.
1. Āhatvā, simu āharitvā se 2. Nupapajjasi, machasaṃ se *ayaṃ gāthā asmiṃ apadāne aṭṭhamagāthāvasena sihalakkharamudadita potthake dissati. 3. Sāgareneva, [PTS] se
[BJT Page 252] [\x 252/]
1675. Paṇṇanālisito kappe
reṇu nāmāsi khattiyo,
Sattaratanasampanno cakkavatti mahabbalo.
1676. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
reṇupujako thero imā gathāyo abhāsitthāti.
- Reṇupujakattherassa apadānaṃ
dasamaṃ.
Uddānaṃ:
Bhikkhādāyī ñāṇasaññi
hatthiyo padapujako,
Muṭṭhipupphi udakado naḷamāli
upaṭṭhako1-
Biḷālidāyī reṇu
ca gāthāyo cha ca saṭṭhi ca.
- Bhikkhādāyivaggo ekādasamo.
-