[CPD Classification 2.5.13]
[PTS Vol Ap 1 ] [\z Ap /] [\f Ia /]
[BJT Vol Ap 1 ] [\z Ap /] [\w Ia /]
[PTS Page 170] [\q 170/]
[BJT Page 294] [\x 294/]
Suttapiṭake khuddakanikāye
Apadānapāḷi.
Namo tassa bhagavato arahato sammāsambuddhassa.
Chattavaggo
141. Atichattiyattherāpadānaṃ
1941. Parinibbute bhagavati atthadassanaruttame,
Chattānichattaṃ2- kāretvā
thupambhi abhiropayiṃ.
1942. Kālena kālaṃ āgantvā
namassiṃ satthu cetiyaṃ, 3
Pupphacchadanaṃ katvāna chattamhi
abhiropayiṃ.
1943. Sattarase kappasate devarajjaṃ akārayiṃ,
Manussattaṃ na gacchāmi thupapujāyi
daṃ phalaṃ.
1944. Paṭisambhidā catasso vimokkhā’pi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
atichattiyo4- thero imā gathāyo abhāsitthāti.
- Atichattiyattherassa apadānaṃ
paṭhamaṃ. -
[PTS Page 171] [\q 171/]
142. Thambhāropakattherāpadanaṃ.
1945. Nibbute lokanāthambhi dhammadassinarāsabhe,
Āropesiṃ dhajatthamhaṃ buddhaseṭṭhassa
cetiye.
1946. Nisseṇiṃ māpayitvāna
thupaseṭṭhaṃ samāruhiṃ,
Jātipupphaṃ gahetvāna thupamahi
abhiropayiṃ.
1947. Aho buddho dhammo aho no satthusampadā,
Duggatiṃ nābhijānāmi
thupapujāyi daṃ phalaṃ.
1948. Catunavute ito kappe thupasikharanāmakā,
Soḷasāsiṃsu rājāno
cakkavatti mahabbalā.
1949. Paṭisambhidā catasso vimokkhā’pi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
thambhāropako thero imā gathāyo abhāsitthāti.
- Thambhāropakattherassa apadānaṃ
dutiyaṃ. -
1. Ekadussi, [PTS] se syā 2. Chattādhichattaṃ, simu 3. Lokanāyakaṃ, [PTS] se machasaṃ 4. Adhichattiyo, simu
[BJT Page 296] [\x 296/]
143. Vedikārakattherāpadānaṃ
1950. Nibbute lokanāthambhi piyadassi
naruttame,
Pasannacitto sumano muttāvedimakāsahaṃ.
1951. Maṇihi paravāretvā
akāsiṃ vedimuttamaṃ,
Vedikāya mahaṃ katvā tattha
kālakato ahaṃ.
1952. Yaṃ yaṃ yonupapajjāmi
devattaṃ atha mānusaṃ,
Maṇi dhārenti ākāse
puññakammassidaṃ phalaṃ.
1953. Soḷase’to kappasate maṇippabhāsanāmakā,
Khattiṃsāsiṃsu rājāno
cakkavatti mahabbalā.
1954. Paṭisambhidā catasso vimokkhā’pi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
vedikārako thero imā gathāyo abhāsitthāti.
- Vedikārakattherassa apadānaṃ
tatiyaṃ. -
[PTS Page 172] [\q 172/]
144. Saparivāriyattherāpadānaṃ.
1955. Padumuttaro nāma jino lokajeṭṭho
narāsabho,
Jalitvā aggikkhandho’va sambuddho parinibbuto.
1956. Nibbute ca mahāvire thupo vitthāriko
ahu,
Ahorattaṃ1- upaṭṭhenti dhātugehe
varuttame.
1957. Pasannacitto sumano akaṃ candanavedikaṃ,
Diyati dhumakkhandho ca2- thupānucchavikotadā.
1958. Bhave nibbattamānambhi devatte
atha mānuse,
Omattaṃ me na passāmi pubbakammassidaṃ
phalaṃ
1959. Pañcadase kappasate ito aṭṭhajanā
ahu,
Sabbe samattanāmā te cakkavatti
mahabbalā.
1960. Paṭisambhidā catasso vimokkhā’pi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
saparivāriyo thero imā gathāyo abhāsitthāti.
- Saparivāriyattherassa apadānaṃ
catutthaṃ. -
145. Ummāpupphiyatherāpadānaṃ.
1961. Nibbute lokanāthambhi* ahutinaṃ
paṭiggahe,
Siddhatthambhi bhagavati mahāthupamaho
ahu.
1962. Mahe pavattamānambhi siddhatthassa
mahesino,
Ummāpupphaṃ gahetvāna thupamhi
abhiropayiṃ.
1. Duratova, machasaṃ thapadattaṃ se syā 2. Dissati thupakkhandho, katthaci *lokambhite, machasaṃ
[BJT Page 298] [\x 298/]
1963. Catunavute ito kappe yaṃ pupphamabhiropayiṃ,
Duggatiṃ nābhijānāmi
thupapujāyidaṃ phalaṃ.
1964. Ito ca navame kappe somadevasanāmakā,
Pañcāsiti’su rājāno
cakkavatti mahabbalo.
1965. Paṭisambhidā catasso vimokkhā’pi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
ummāpupphiyo thero imā gathāyo abhāsitthāti.
- Ummāpupphiyattherassa apadānaṃ
pañcamaṃ. -
[PTS Page 173] [\q 173/]
146. Anulopadāyakattherāpadānaṃ.
1966. Anomadassimunino bodhivedimakāsa’haṃ,
Sudhāya piṇḍaṃ datvāna
pātikammamakāya haṃ1-
1967. Disvā taṃ sukataṃ kammaṃ
anomadassi naruttamo,
Bhikkhusaṃghe ṭhito satthā
imā gāthā abhāsatha:
1968. "Iminā sudhākammena cetanāpaṇidhīhi
ca,
Sampattiṃ anubhotvāna dukkhassantaṃ
karissati. "
1969. Pasanna mukhavaṇṇomhi ekaggo
susamāhito,
Dhāremi antimaṃ dehaṃ sammāsambuddhasāsane.
1970. Ito kappasate āsiṃ paripuṇṇe
anunake,
Rājā sabbaghano nāma cakakvatti
mahabbalo.
1971. Paṭisambhidā catasso vimokkhā’pi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
anulepadāyako thero imā gathāyo abhāsitthāti.
- Anulepadāyakattherassa apadānaṃ
chaṭṭhaṃ. -
147. Maggadāyakattherāpadānaṃ.
1972. Uttaritvāna nadikaṃ vanaṃ
gacchati cakkhumā,
Tamaddasāsiṃ sambuddhaṃ siddhatthaṃ
varalakkhaṇaṃ.
1973. Kudadāpaliṭakamādāya
samaṃ katvānataṃ pathaṃ,
Satthāraṃ abhivādevo sakaṃ
cittaṃ padādayiṃ.
1974. Catunavute ito kappe yaṃ kammamakāriṃ
tadā,
Duggatiṃ nābhijānāmi
maggadānassidaṃ phalaṃ.
1975. Sattapaññāsakappamhi
eko āsiṃ janādhipo,
Nāmena suppabuddhoti nāyako so
narissaro.
1976. Paṭisambhidā catasso vimokkhā’pi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
maggadāyako thero imā gathāyo abhāsitthāti.
- Maggadāyakattherassa apadānaṃ
sattamaṃ. -
1. Pāṇikammaṃ, machasaṃ phātikammaṃ, aṭṭhakathā.
[BJT Page 300] [\x 300/]
[PTS Page 174] [\q 174/]
148. Phalakakadāyakattherāpadānaṃ.
1977. Yānakāro pure dārukamme
susikkhito,
Candanaṃ palakaṃ kavo adāsiṃ
lokabandhuno.
1978. Pabhāsati idaṃ vyambhaṃ
suvaṇṇassa sunimmitaṃ,
Hatthiyānaṃ assayānaṃ
dibbayānaṃ upaṭṭhitaṃ.
1979. Pāsādā sivikā
ceva nibbattanti yadicchakaṃ,
Akkhohaṃ atanaṃ mayhaṃ phalakassa
idaṃ phalaṃ.
1980. Ekatanavute ito kappe phalakaṃ yamahaṃ
dadiṃ,
Duggatiṃ nābhijānāmi
phalakassa idaṃ phalaṃ.
1981. Sattapaññāsakappambhi
caturo nimamitacahayā,
Sattaratanasampanno cakkavatti mahabbalo.
1982. Paṭisambhidā catasso vimokkhā’pi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
phalakadāyako thero imā gathāyo abhāsitthāti.
- Phalakadāyakattherassa apadānaṃ
aṭṭhamaṃ. -
149. Vaṭaṃsakiyattherāpadanaṃ.
1983. Sumedho nāma nāmena sayambhu
aparājito,
Vivekamanubrūhanto ajjhogāhi mahāvanaṃ.
1984. Sallaṃ puppitaṃ disvā
ganthitvāna1- vaṭaṃsakaṃ,
Buddhassa abhiropesiṃ sammukhā
lokanāyakaṃ.
1985. Tiṃsakappasahassambhi yaṃ pupphamabhiropayiṃ,
Duggatiṃ nābhijānāmi
buddhapūjāyidaṃ phalaṃ.
1986. Ūnavise kappasate soḷasāsiṃsu
nimamitā,
Sattaratanasampanno cakkavatti mahabbalo.
1987. Paṭisambhidā catasso vimokkhā’pi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
vaṭaṃsakiyo thero imā gathāyo abhāsitthāti.
- Vaṭaṃsakiyattherassa apadānaṃ
navamaṃ. -
[PTS Page 175] [\q 175/]
150. Pallaṅkadāyakattherāpadanaṃ
1988. Sumedhassa bhagavato lokajeṭṭhassa
tādino,
Pallaṅko hi mayā dinno sauttara
sapacchado.
1989. Sattaratanasampanno pallaṅko āsi
so tadā,
Mama saṅkappamaññāya
nibbattati sadā mama.
1. Bandhitvāna, simu
[BJT Page 302] [\x 302/]
1990. Tiṃsakappasahassambhi pallaṅkamadadiṃ
tadā,
Duggatiṃ nābhijānāmi
pallaṅkassa idaṃ phalaṃ.
1991. Visakappasahassambhi suvaṇṇābhā
tayo janā,
Sattaratanasampanno cakkavatti mahabbalo.
1992. Paṭisambhidā catasso vimokkhā’pi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
pallaṅkadāyako thero imā gathāyo abhāsitthāti.
- Pallaṅkadāyakattherassa apadānaṃ
dasamaṃ. -
Uddānaṃ:
Chattaṃ thambho ca vedi ca parivārummapupphiyo
Anulepo maggadāyī phalakadāyi
vaṭaṃsako
Pallaṅkadāyī gāthāyo
chapaññāsa pakittititā.
- Chattavaggo paṇṇarasamo.
-