[CPD Classification 2.5.13]
[PTS Vol Ap 1 ] [\z Ap /] [\f Ia /]
[BJT Vol Ap 1 ] [\z Ap /] [\w Ia /]
[BJT Page 350] [\x 350/]
[PTS Page 203] [\q 203/]
Suttapiṭake khuddakanikāye
Apadānapāḷi.
Namo tassa bhagavato arahato sammāsambuddhassa.
Kaṇikārapupphiyavaggo
201. Kaṇikārapupphiyattherāpadānaṃ.
2271. Kanikāraṃ pupphitaṃ disvā
ocinitvānahaṃ tadā,
Tissassa abhiropesiṃ oghatiṇṇassa
tādino.
2272. Dvenavute ito kappe yaṃ pupphamabhiropayiṃ,
Duggatiṃ nābhijānāmi
buddhapūjāyidaṃ phalaṃ.
2273. Pañcatiṃse ito kappe a…ṇapāṇiti
vissuto,
Sattaratanasampanno cakkavatti mahabbalo.
2274. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
kaṇikārapupphiyo thero imā gathāyo abhāsitthāti.
- Kaṇikārapupphiyattherassa apadānaṃ
paṭhamaṃ. -
202. Miṇelapupphiyattherāpadānaṃ.
2275. Suvaṇṇavaṇṇo
bhagavā sataraṃsi patāpavā.
Caṅkamanaṃ samārūḷho
mettacitto sikhisabho.
2276. Pasannacitto sumano vanditvā2-
ñāṇamuttamaṃ,
Minelapupphaṃ paggayha buddhassa abhiropayiṃ.
[PTS Page 204] [\q 204/]
2277. Ekaṃtise ito kappe yaṃ pupphamabhiropayiṃ,
Duggatiṃ nābhijānāmi
buddhapūjāyidaṃ phalaṃ.
1. Chattañca bandhujīviñca, machasaṃ 2. Thometva, syā
[BJT Page 352] [\x 352/]
2278. Ekunatiṃse kappamhi sumedhayasa1-
nāmako,
Sattaratanasampanno cakkavatti mahabbalo.
2279. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
minelapupphiyo thero imā gathāyo abhāsitthāti.
- Minelapupphiyattherassa apadānaṃ
dutiyaṃ. -
203. Kiṅkiṇikapupphiyattherāpadānaṃ.
2280. Kañcanagghiyasaṅkāso
sababaññu lokanāyako,
Odakaṃ dahamogayha sināyi lokanāyako.
2281. Paggayha kiṅkiṇiṃ2- pupphaṃ
vipassissā bhiropayiṃ,
Udaggacitto sumano dipadindassa tādino.
2263. Ekanavute ito kappe yaṃ pupphamabhiropayiṃ,
Duggatiṃ nābhijānāmi
buddhapūjāyidaṃ phalaṃ.
2283. Sattavisatikappambhi rājā
bhimaratho ahu,
Sattaratanasampanno cakkavatti mahabbalo.
2284. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
kiṅkiṇikapupphiyo thero imā gathāyo abhāsitthāti.
- Kiṅkiṇikapupphiyattherassa apadānaṃ
tatiyaṃ. -
204. Taraṇiyattherāpadānaṃ
2285. Atthadassitu bhagavā dipadindo
narāsabho,
Purakkhato sāvakehi gaṅgātiramupāgami.
2286. Samatittikā kākapeyyā
gaṅgā āsi duruttarā,
Uttārayiṃ bhikkhusaṅghaṃ
buddhaṃ ca dipaduttamaṃ.
2287. Aṭṭhārase kappasate
yaṃ kammamakariṃ tadā,
Duggatiṃ nābhijānāmi
taraṇāya idaṃ phalaṃ.
[PTS Page 205] [\q 205/]
2288. Teraseto kappasate pañca sabbhogavā3-
ahuṃ,
Sattaratanasampanno cakkavatti mahabbalo.
1. Sumeghaghana nāmako, machasaṃ *kiṅkaṇipupphiyattherāpadānaṃ, machasaṃ 2. Kiṅkaṇiṃ, machasaṃ 3. Sabbobhavā, machasaṃ
[BJT Page 354] [\x 354/]
2289. Pacchime ca bhave asmiṃ jāto’haṃ
brāhmaṇe kule,
Saddhiṃ tihi sahāyehi pabbajiṃ
satthusāsane.
Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
taraṇiyo thero imā gathāyo abhāsitthāti.
- Taraṇiyattherassa apadānaṃ
catutthaṃ. -
205. Nigguṇḍipupphiyattherāpadānaṃ
2290. Vipassassa bhagavato āsimārāmiko
ahaṃ,
Nigguṇḍipupphaṃ paggayaṃha
buddhassa abhiropayiṃ.
2291. Ekanavute ito kappe yaṃ pupphamabhiropayiṃ,
Duggatiṃ nābhijānāmi
buddhapūjāyidaṃ phalaṃ.
2292. Pañcatiṃse ito kappe eko āsiṃ
janādhipo,
Mahāpatāpo nāmena1- cakkavatti
mahabbalo.
2293. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
nigguṇḍipupphiyo thero imā gathāyo abhāsitthāti.
- Nigguṇḍipupphiyattherassa apadānaṃ
pañcamaṃ. -
206. Udakadāyakattherāpadānaṃ.
2294. Bhuñjannaṃ samaṇaṃ
disvā vippasannamanāvilaṃ,
Ghaṭeno’dakamādāya siddhatthassa
adāsahaṃ.
2295. Nimmalo homa’haṃ ajja vimalo khiṇasaṃsayo,
Bhave nibbattamānambhi phalaṃ nibbattate
subhaṃ.
2296. Catunavute ito kappe udakaṃ yaṃ
tadā adaṃ, 2-
Duggatiṃ nābhijānāmi
udakadānassidaṃ phalaṃ.
2297. Ekasaṭṭhimbhato kappe ekova
vimalo ahuṃ,
Sattaratanasampanno cakkavatti mahabbalo.
2298. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
udakadāyako thero imā gathāyo abhāsitthāti.
- Udakadāyakattherassa apadānaṃ
chaṭṭhaṃ. -
1. Mahāpatāpanāmena, machasaṃ 2. Udakaṃ yamadāsahaṃ, machasaṃ
[BJT Page 356] [\x 356/]
[PTS Page 206] [\q 206/]
207. Salalamāliyattherāpadānaṃ
2299. Kaṇikāraṃva jotantaṃ
nisinnaṃ pabbatantare,
Obhāsontaṃ disā sabbā
siddhatthaṃ narasārathiṃ.
2300. Dhanumadvejjhaṃ katvāna usuṃ
sannayha’haṃ tadā,
Pupphaṃ savaṇaṭaṃ chetvāna
buddhassa abhiropayiṃ.
2301. Catunavute ito kappe yaṃ pupphamabhiropayiṃ1-,
Duggatiṃ nābhijānāmi
buddhapūjāyidaṃ phalaṃ.
2302. Ekapaññāsi’to kappe
eko āsiṃ junindharo,
Sattaratanasampanno cakkavatti mahabbalo.
2303. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
sallamāliyo thero imā gathāyo abhāsitthāti.
- Sallamāliyattherassa apadānaṃ
sattamaṃ. -
208. Koraṇḍapupphiyattherāpadānaṃ
2304. Akkañatañca padaṃ disvā
cakkālaṅkāra bhusitaṃ,
Padenā’nupadaṃ yanto vipassissa
mahesino.
2305. Koraṇḍaṃ pupphitaṃ
disvā samulaṃ pujitaṃ mayā,
Haṭṭho haṭṭhena
cattena avandiṃ padamuttamaṃ.
2307. Rakanavute ito kappe yaṃ pupphamabhiropayiṃ,
Duggatiṃ nābhijānāmi
padapujāyidaṃ phalaṃ.
2308. Sattapaññāsakappamhi
eko vitamalo ahu,
Sattaratanasampanno cakkavatti mahabbalo.
2309. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
koraṇḍapūpphiyo thero imā gathāyo abhāsitthāti.
- Koraṇḍapupphiyattherassa apadānaṃ
aṭṭhamaṃ. -
1. Mabhiropayiṃ, machasaṃ
[PTS Page 207] [\q 207/]
209. Ādhāradāyakattherāpadānaṃ
2309. Ādhārakaṃ mayā
dinnaṃ sikhino lokabandhuno,
Dhāremi phaṭhaviṃ1- sabbaṃ
kevalaṃ vasudhaṃ imaṃ.
2310. Kilesā jhāpitā mayhaṃ
bhavā sabbe samuhatā,
Dhāremi antimaṃ dehaṃ sammāsambuddhasāsane.
2311. Sattavise ito kappe ahesuṃ caturo
janā,
Samantavaraṇā2- nāma cakkavatti
mahabbalā.
2312. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
ādhāradāyako thero imā gathāyo abhāsitthāti.
- Ādhāradāyakattherassa
apadānaṃ navamaṃ. -
210. Vātātapanivāriyattherāpadānaṃ.
2313. Tissassa tu bhagavato devadevassa tādino,
Ekacchattaṃ mayā dinnaṃ vippasannena
cetasā.
2314. Nivutaṃ hoti me pāpaṃ
kusalassu’pasampadā,
Ākāse chattaṃ dhārenti
pubbakammassidaṃ phalaṃ.
2315. Carimaṃ vattate mayhaṃ bhavā
sabbe samuhatā,
Dhāremi antimaṃ dehaṃ sammāsambuddhasāsane.
2316. Dvenavute ito kappe yaṃ chattamadadiṃ
tadā,
Duggatiṃ nābhijānāmi
chattadānassidaṃ phalaṃ.
2317. Dvesattatimbhito kappe aṭṭhāsiṃsu
janādhipā,
Mahānidānanāmena rājāno
cakkavattino.
2318. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
vātātapanivāriyo* thero imā gathāyo
abhāsitthāti.
- Vātāpanivāriyattherassa
apadānaṃ dasamaṃ. -
[PTS Page 208] [\q 208/]
Uddānaṃ:
Kaṇikāro minelañca kiṅkiṇi
taraṇenaca
Nigguṇḍipupphi dakado salalo
ca kuraṇḍako
Ādhārakotapavāri3- aṭṭhatāḷisa
gāthakā.
- Kaṇikārapupphiyavaggo ekavisatimo.
1. Pathaviṃ, machasaṃ
2. Samantavaraṇa, machasaṃ *pāpanivāriyattherādānaṃ,
machasaṃ
3. Pāpacāri, machasaṃ