[CPD Classification 2.5.13]
[PTS Vol Ap 1 ] [\z Ap /] [\f Ia /]
[BJT Vol Ap 1 ] [\z Ap /] [\w Ia /]
[BJT Page 378] [\x 378/]
[PTS Page 218] [\q 218/]
Suttapiṭake khuddakanikāye
Apadānapāḷi.
Namo tassa bhagavato arahato sammāsambuddhassa.
Udakāsanavaggo
231. Udakāsanadāyakattherāpadānaṃ
2424. Ārāmadvārā
nikkhamma phalakaṃ satthariṃ ahaṃ,
Udakañca upaṭṭhāsiṃ
uttamatthassa pattiyā.
2425. Ekatiṃse ito kappe yaṃ kammamakariṃ
tadā,
Duggatiṃ nābhijānāmi
āsane coke phalaṃ.
2426. Ito paṇṇarase kappe abhisāmasamavhayo,
Sattaratanasampanno cakkavatti mahabbalo.
1. Buddhaseṭṭhamavandahaṃ, machasaṃ 2. Cakulaṃ, syā
[BJT Page 380] [\x 380/]
2427. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
udakāsanadāyako thero imā gathāyo abhāsitthāti.
- Udakāsanadāyakattherassa apadānaṃ
paṭhamaṃ. -
232. Bhājanadāyakattherāpadānaṃ1-.
2428. Nagare bandhumatiyā kumbhakāro
ahaṃ tadā,
Bhājanaṃ anupālesiṃ
bhikkhusaṅghassa tāvade.
2429. Ekanavute ito kappe bhājanaṃ
anupālayiṃ,
Duggatiṃ nābhijānāmi
bhājanassa idaṃ phalaṃ.
2430. Tepaññāse ito kappe
anantajāli nāmako,
Sattaratanasampanno cakkavatti mahabbalo.
2431. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
bhājanadāyako thero imā gathāyo abhāsitthāti.
- Bhājanadākattherassa apadānaṃ
dutiyaṃ. -
233. Sālapupiyattherāpādanaṃ.
2432. Aruṇavatiyā nagare ahosiṃ
pupiko ahaṃ,
Mama dvārena gacchantaṃ sikhinaṃ
addasaṃ jinaṃ.
2433. Buddhassa pattaṃ paggayha sālapupaṃ2-
adāsahaṃ,
Sammaggatassa buddhassa vippasannena cetasā.
[PTS Page 219] [\q 219/]
2434. Ekatiṃse ito kappe yaṃ khajjakamadāsahaṃ,
3-
Duggatiṃ nābhijānāmi
sālapupassidaṃ phalaṃ.
2435. Ito cuddasakappambhi asosiṃ amitañajalo,
Sattaratanasampanno cakkavatti mahabbalo.
2436. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
sālapupiyo thero imā gathāyo abhāsitthāti.
- Sālapupiyattherassa apadānaṃ
tatiyaṃ. -
1. Bhājanapālakattherāpadānaṃ, machasaṃ 2. Sālapupphaṃ, machasaṃ 3. Yaṃ pupphamabhidāsahaṃ, machasaṃ *sālapupphiyatherāpadānaṃ, simu machasaṃ
[BJT Page 382] [\x 382/]
234. Kilañajadāyakatthorāpadānaṃ.
2437. Tivarāyaṃ pure ramme naḷakāro
ahaṃ tadā,
Siddhatthe lokapajjote pasannā janatā
tahiṃ.
2438. Pujatthaṃ lokanāthassa kilañajaṃ
pariyesati,
Buddhapujaṃ karontānaṃ kilañajaṃ
adadiṃ ahaṃ.
2439. Catunavute ito1- kappe yaṃ kammakariṃ
tadā,
Duggatiṃ nābhijānāmi
kilañajassa idaṃ phalaṃ.
2440. Sattasatattikappambhi rājā
āsiṃ jutindharo, 2-
Sattaratanasampanno cakkavatti mahabbalo.
2436. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
kilañajadāyako thero imā gathāyo abhāsitthāti.
- Kilañajadāyakattherassa apadānaṃ
catutthaṃ. -
235. Vedikārakatthorāpadānaṃ.
2441. Vipassino bhagavato bodhiyā pādaputtame,
Pasannacitto sumano kāresiṃ vedikaṃ
ahaṃ.
2442. Ekatiṃse ito kappe karosiṃ vedikaṃ
ahaṃ,
Duggatiṃ nābhijānāmi
vedikāya idaṃ phalaṃ.
[PTS Page 220] [\q 220/]
2443. Ito ekādase kappe asosiṃ suriyassamo,
Sattaratanasampanno cakkavatti mahabbalo.
2445. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
vedikārako thero imā gathāyo abhāsitthāti.
- Vedikārakattherassa apadānaṃ
pañcamaṃ. -
236. Vaṇṇakāratthorāpadānaṃ
2446. Nagare aruṇavatiyā vaṇṇakāro
ahaṃ tadā,
Cetiye dussabhaṇḍāni nātāvaṇṇaṃ
rajesahaṃ3-
2447. Ekatiṃse ito kappe yaṃ vaṇṇaṃ
rajayiṃ tadā,
Duggatiṃ nābhijānāmi
vaṇṇadānassidaṃ phalaṃ.
1. Catunnavutito kappe, machasaṃ 2. Jaladadharo, machasaṃ 3. Rajemahaṃ, syā
[BJT Page 384] [\x 384/]
2448. Ito tevisatikappe candumasāmako1,
Sattaratanasampanno cakkavatti mahabbalo.
2449. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
vaṇṇākāro thero imā gathāyo abhāsitthāti.
- Vaṇṇakārattherassa apadānaṃ
chaṭṭhaṃ.
237. Piyālapupphiyatthopadānaṃ.
2450. Migaluddo pure āsiṃ araññe
kānane ahaṃ,
Piyālaṃ pupphitaṃ disvā
gatamagge khipiṃ ahaṃ.
2451. Ekatiṃse ito kappe yaṃ pupphamabhipūjayiṃ,
Duggatiṃ nābhijānāmi
buddhapūjāyidaṃ phalaṃ.
2452. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
piyālapupphiyo thero imā gathāyo abhāsitthāti.
- Piyālapupiyattherassa apadānaṃ
sattamaṃ. -
[PTS Page 221] [\q 221/]
238. Ambayāgadākatthorāpadānaṃ.
2453. Sake sippe apatthaddho agamaṃ kānanaṃ
ahaṃ,
Sambuddhaṃ yantaṃ disvāna
ambayāgaṃ adāsahaṃ.
2454. Ekatiṃse ito kappe yaṃ dānamadadiṃ
tadā,
Duggatiṃ nābhijānāmi
ambayāgassidaṃ phalaṃ.
2455. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
ambayāgadāyako thero imā gathāyo abhāsitthāti.
- Ambayāgadāyakattherassa apadānaṃ
aṭṭhamaṃ. -
1. Vaṇṇasamasanāmako, machasaṃ, candasama, syā
[BJT Page 386] [\x 386/]
239. Jagatikārakattherāpadānaṃ.
2456. Nibbute lokanāthambhi atthadassi
naruttame,
Jagati kāritā mayhaṃ buddhassa
thupamuttame.
2457. Aṭṭhārase kappasate
yaṃ kammamakariṃ tadā,
Duggatiṃ nābhijānāmi
jāgatiyā idaṃ phalaṃ.
2458. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
jagatikārako thero imā gathāyo abhāsitthāti.
- Jagatikārakattherassa apadānaṃ
navamaṃ. -
240. Vāsidāyakattherāpadānaṃ.
2459. Kammārohaṃ pure āsiṃ
tivarāyaṃ puruttame,
Ekā vāsi mayā dinnā
sayambhuṃ aparājitaṃ.
2460. Catunavute1- ito kappe yaṃ vāsimadadiṃ
tadā,
Duggatiṃ nābhijānāmi
vāsidānassidaṃ phalaṃ.
2461. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
vāsidāyako thero imā gathāyo abhāsitthāti.
- Vāsidākattherassa apadānaṃ
dasamaṃ. -
[PTS Page 222] [\q 222/]
Uddānaṃ:
Udakāsana bhājanaṃ sālapupi2-
kilañajako
Vedikā vaṇṇakāro
ca piyāla ambayāgado
Jagatī vāsidātā
ca gāthā tiṃsa ca aṭṭha ca.
- Udakāsanavaggo catuvisatimo. -