[CPD Classification 2.5.13]
[PTS Vol Ap 1 ] [\z Ap /] [\f Ia /]
[BJT Vol Ap 1 ] [\z Ap /] [\w Ia /]
[BJT Page 386] [\x 386/]
[PTS Page 222] [\q 222/]
Suttapiṭake khuddakanikāye
Apadānapāḷi.
Namo tassa bhagavato arahato sammāsambuddhassa.
Tuvaradāyakavaggo
241. Tuvaradāyakattherāpadānaṃ.
2462. Migaluddo pure āsiṃ araññe
kānane ahaṃ,
Bharitvā3- tuvaramādāya
saṅghassa adadiṃ ahaṃ.
2463. Ekanavute ito kappe yaṃ dānamadadiṃ
tadā,
Duggatiṃ nābhijānāmi
tuvarassa idaṃ phalaṃ.
2464. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
tuvaradāyako thero imā gathāyo abhāsitthāti.
- Tuvaradākattherassa apadānaṃ
paṭhamaṃ. -
1. Catunnacutitokappe, machasaṃ 2. Sālapupphi sīmu machasaṃ 3. Haritvā, sīmu machasaṃ
[BJT Page 388] [\x 388/]
242. Nāgakesariyattherāpadānaṃ.
2465. Dhanuṃ advejjhaṃ katvāna
vanamajjhogahiṃ ahaṃ,
Kesaraṃ osaṭaṃ1- disvā
satapattaṃ samuṭṭhitaṃ.
2466. Ubho hatthehi paggayha sire katvāna
añjaliṃ,
Buddhassa abhiropesiṃ tissassa lokabandhuno.
2467. Dvenavute ito kappe yaṃ pupphamabhipajayiṃ,
Duggatiṃ nābhijānāmi
buddhapūjāyidaṃ phalaṃ.
2468. Tesattatimbhi kappamhi satta kesaranāmakā,
Sattaratanasampanno cakkavatti mahabbalo.
2469. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
nāgakosariyo thero imā gathāyo abhāsitthāti.
- Nāgakesariyattherassa apadānaṃ
dutiyaṃ.
[PTS Page 223] [\q 223/]
243. Naḷinakesariyattherāpadānaṃ
2470. Jātassarassa vemajjhe vasāmi
jalakukkuṭo,
Athaddasaṃ2- devadevaṃ gacchantama
nilañajase.
2471. Tuṇḍena kesariṃ3- gayha
vippasannena cetasā,
Buddhassa abhiropesiṃ tissassa lokabandhuno.
2472. Dvenavute ito kappe yaṃ pupphamabipujayidaṃ,
Duggatiṃ nābhijānāmi
buddhajāyidaṃ phalaṃ.
2473. Tesattatimbhi kappamhi satapattasanāmako4,
Sattaratanasampanno cakkavatti mahabbalo.
2474. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
naḷinakesariyo thero imā gathāyo abhāsitthāti.
- Naḷinakesariyattherassa apadānaṃ
tatiyaṃ. -
244. Viravipupphiyattherāpadānaṃ.
2475. Khiṇāsavasahassehi niyyāti
lokanāyako,
Viravipupphaṃ paggayha6- buddhassa abhiropayiṃ.
2476. Ekanavute ito kappe yaṃ pupphambhipujayiṃ,
Duggatiṃ nābhijānāmi
buddhapūjāyidaṃ phalaṃ.
1. Ogataṃ, machasaṃ 2. Addasāhaṃ machasaṃ 3. Kesaraṃ, syā 4. Sattakesaranāmako, machasaṃ 5. Ciravapupphiyattherāpadānaṃ, machasaṃ 6. Viravapupphamādā ya, machasaṃ.
[BJT Page 390] [\x 390/]
2477. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
viravipupphiyo thero imā gathāyo abhāsitthāti.
- Viravipupphiyattherassa apadānaṃ
catutthaṃ.
245. Kuṭidhupakattherāpadānaṃ.
2478. Siddhatthassa bhagavato ahosiṃ kuṭigopako,
Kālena kālaṃ dhupesiṃ
pasanno sehi pāṇihi.
2479. Catunavute ito kappe yaṃ kammamakariṃ
tadā,
Duggatiṃ nābhijānāmi
buddhapūjāyidaṃ1- phalaṃ.
[PTS Page 224] [\q 224/]
2480. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
kuṭidhupeko thero imā gathāyo abhāsitthāti.
- Kuṭidhupakattherassa apadānaṃ
pañcamaṃ. -
246. Pattadāyakattherāpadānaṃ.
2481. Paramena damathena siddhatthassa mahesino,
Pattadānaṃ mayā dinnaṃ
ujubhūtassa tādino.
2482. Catunavute ito kappe yaṃ dānamadadiṃ
tadā,
Duggatiṃ nābhijānāmi
pattadānassidaṃ phalaṃ.
2483. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
pattadāyako thero imā gathāyo abhāsitthāti.
- Pattadāyakattherassa apadānaṃ
chaṭṭhaṃ. -
247. Dhātupujakattherāpadānaṃ.
2484. Nibbute lokanāthamhi siddhatthamhi
naruttame,
Ekā dhātu mayā laddhā
dipadindassa2- tādino.
2485. Tāhaṃ dhātuṃ gahetvāna
buddhassādiccabandhuno,
Pañcavasse paricariṃ tiṭṭhantaṃ
ca naruttamaṃ.
1. Dhupadānassidaṃ, machasaṃ 2. Dvipadindassa, machasaṃ
[BJT Page 392] [\x 392/]
2486. Catunavute ito kappe yaṃ dhātuṃ
pujayiṃ tadā,
Duggatiṃ nābhijānāmi
dhātupaṭṭhahane phalaṃ.
2487. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
dhātupujako thero imā gathāyo abhāsitthāti.
- Dhātupujakattherassa apadānaṃ
sattamaṃ. -
248. Sattalipupphapujakattherāpadānaṃ1-.
2488. Satta sattalipupphāni sise katvānahaṃ
tadā,
Buddhassa abhiropesiṃ vessabhumbhi naruttame.
2489. Ekaniṃse ito kappe yaṃ pupphamabhiropayiṃ,
2-
Duggatiṃ nābhijānāmi
pupphapujāyidaṃ3- phalaṃ.
[PTS Page 225] [\q 225/]
2490. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
sattalipphapujako thero imā gathāyo abhāsitthāti.
- Pasattalipupphujakattherassa apadānaṃ
aṭṭhamaṃ. -
249. Bambijāliyattherāpadānaṃ.
2491. Padumuttaro nāma jino sayambhu
aggapuggalo,
Catusaccaṃ pakāseti dipeti amataṃ
padaṃ.
2492. Bimbijālikapupphāni4- puphu
katvānahaṃ tadā,
Buddhassa abhiropesiṃ dipadindassa tādino.
2493. Aṭṭhasaṭṭhimhito
kappe caturo kiñajakesarā,
Sattaratanasampannā cakkavattī
mahabbalā.
2494. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
bimbijāliyo thero imā gathāyo abhāsitthāti.
- Bimbijāliyakattherassa apadānaṃ
navamaṃ. -
1. Sattalipu pphiyattherāpadānaṃ, machasaṃ 2. Yaṃ pupphamabhipūjayiṃ, machasaṃ 3. Buddhapujā yidaṃ, machasaṃ 4. Bimbijālakapupphāni, machasaṃ
[BJT Page 394] [\x 394/]
250. Uddāladāyakattherāpadānaṃ.
2495. Kakusandho nāma nāmena sayambhu
aparājito,
Pavanā nikkhamitvāna anuppatto
mahānadiṃ.
2496. Uddālakaṃ gahetvāna
sayambhussa adāsahaṃ,
Saṃyatassujabhūtassa pasannamānaso
tadā. 2-
2497. Ekatiṃse ito kappe yaṃ pupphabhijujayiṃ
tadā,
Duggatiṃ nābhijānāmi
pupphadānassida phalaṃ.
2498. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
uddāladāyako thero imā gathāyo abhāsitthāti.
- Uddāladāyakattherassa apadānaṃ
dasamaṃ. -
[PTS Page 226] [\q 226/]
Uddānaṃ:
Tuvara nāga naḷinā viravi
kuṭidhupako
Patto dhātu sattaliyo bimbi uddālakena
ca
Sattatiṃsati gāthāyo gaṇitāyo
vibhāvihi.
- Tuvaradāyakavaggo pañcavisatimo.
-