[CPD Classification 2.5.13]
[PTS Vol Ap 1 ] [\z Ap /] [\f Ia /]
[BJT Vol Ap 1 ] [\z Ap /] [\w Ia /]
[BJT Page 404] [\x 404/]
[PTS Page 230] [\q 230/]
Suttapiṭake khuddakanikāye
Apadānapāḷi.
Namo tassa bhagavato arahato sammāsambuddhassa.
Ākāsukkhipiyavaggo
261. Ākāsukkhipiyattherāpadānaṃ.
2540. Suvaṇṇavaṇṇaṃ
siddhatthaṃ gacchantaṃ antarāpaṇe,
Jalajagge duve gayha upagacchiṃ narāsabhaṃ.
2541. Ekañca pupphaṃ pādesu
buddhaseṭṭhassa nikkhipiṃ,
Ekañca pupphaṃ paggayha ākāse
ukkhipiṃ ahaṃ.
2542. Catunavute ito kappe yaṃ pupphamabhiropayiṃ,
Duggatiṃ nābhijānāmi
pupphadānassidaṃ phalaṃ.
2543. Ito khattiṃsakappamhi1- eko āsiṃ
mahipati,
Antalikkhavaro2- nāma cakkavatti mahabbalo.
2534. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
ākāsukkhipiyo thero imā gathāyo abhāsitthāti.
- Ākāsukkhipayattherassa apadānaṃ
paṭhamaṃ. -
262. Telamakkhiyattherāpadānaṃ.
2545. Siddhatthamhi bhagavati nibbutamhi narāsabhe,
Bodhiyā vedikāyāhaṃ
telaṃ makkhesiṃ tāvade.
2536. Catunavute ito kappe yaṃ telaṃ
makkhayiṃ tadā,
Duggatiṃ nābhijānāmi
makkhanāya idaṃ phalaṃ.
[PTS Page 231] [\q 231/]
2537. Catuvise ito kappe succhavi nāma
khattiyo,
Sattaratanasampanenā cakkavatti mahabbalo.
2538. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
telamakkhiyo thero imā gathāyo abhāsitthāti.
- Telamakkhiyattherassa apadānaṃ
dutiyaṃ. -
263. Aḍḍhacandiyattherāpadānaṃ.
2549. Tissassa kho bhagavate bodhiyā
pādaputtame,
Aḍḍhavandaṃ mayā
dinnaṃ dharaṇiruhapādape.
2550. Dvenavute ito kappe yaṃ pupphamabhiropayiṃ,
Duggatiṃ nābhijānāmi
bodhipujāyidaṃ phalaṃ.
1. Chattiṃsakappamhi, machasaṃ 2. Antalikkhakaro, machasaṃ
[BJT Page 406] [\x 406/]
2551. Paññacavise ito kappe devalo
nāma khattiyo,
Sattaratanasampanenā cakkavatti mahabbalo.
2552. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
aḍḍhavandiyo thero imā gathāyo abhāsitthāti.
- Aḍḍhavanidiyattherassa apadānaṃ
tatiyaṃ. -
264. Padipiyattherāpadānaṃ. *
2553. Devabhuto ahaṃ santo oruyha paṭhaviṃ
tadā,
Padipe pañca pādāsiṃ
pasanno sehi pāṇihi.
2554. Catunavute ito kappe yaṃ padipamadaṃ
tadā,
Duggatiṃ nābhijānāmi
dīpadānassidaṃ phalaṃ.
2555. Pañcapaññāsake
kappe eko āsiṃ mahipati,
Samantacakkhu nāmena cakkavatti mahabbalo.
2556. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
padipiyo thero imā gathāyo abhāsitthāti.
- Padipiyattherassa apadānaṃ catutthaṃ.
-
[PTS Page 232] [\q 232/]
265. Biḷālidāyakattherāpadānaṃ.
2557. Himavantassa avidūre romaso nāma
pabbato,
Tamhi pabbatapādamhi samaṇo bhāvitindriyo.
2558. Biḷālike1- gahetvāna
samaṇassa adāsahaṃ,
Anumodi mahāvīro sayambhu aparājito.
2559. Biḷāli te mamaṃ2- dinnā
vippasannena cetasā,
Bhave nibbattamānemhi phalaṃ nibbattataṃ
tava.
2560. Catunavute ito kappe yaṃ biḷālimadāsahaṃ,
Duggatiṃ nābhijānāmi
biḷāliyā idaṃ phalaṃ.
2561. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
biḷālidāyako thero imā gathāyo abhāsitthāti.
- Biḷālidāyakattherassa
apadānaṃ pañcamaṃ. -
1. Biḷāliyo, machasaṃ 2. Mama, machasaṃ *padipadāyakattherāapadānaṃ, machasaṃ * apaṇṇadipāyattherāpadānaṃ, machasaṃ
[BJT Page 408] [\x 408/]
266. Macchadāyakattherāpadānaṃ.
2562. Candabhāgānaditire ukkuso
āsahaṃ tadā,
Mahantaṃ macchaṃ paggayha siddhatthamuno
adaṃ.
2563. Catunavute ito kappe yaṃ macchamadadiṃ
tadā,
Duggatiṃ nābhijānāmi
macchadānassidaṃ phalaṃ.
2564. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
macchadāyako thero imā gathāyo abhāsitthāti.
- Macchadāyakattherassa apadānaṃ
chaṭṭhaṃ. -
267. Javahaṃsakattherāpadānaṃ.
2565. Vandabhāgānaditire āsiṃ
vanacaro tadā,
Siddhatthamadadasaṃ buddhaṃ gacchantamanilañajase.
2566. Añajalimpaggahetvāna ullokento
mahāmuniṃ,
Sakaṃ cittaṃ pasādetvā
avandiṃ nāyakaṃ ahaṃ.
[PTS Page 233] [\q 233/]
2567. Catunavute ito kappe yamavandiṃ narāsabhaṃ,
Duggatiṃ nābhijānāmi
vandanāya idaṃ phalaṃ.
2568. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
javahaṃsako thero imā gathāyo abhāsitthāti.
- Javahaṃsakattherassa apadānaṃ
sattamaṃ. -
268. Salalapupphiyattherāpadānaṃ.
2569. Candabhāgānaditire ahosiṃ
kintaro tadā,
Vipassimaddasaṃ buddhaṃ raṃsijālasamākulaṃ.
2570. Pasannacitto sumano paramāya ca
pitāyā,
Paggayha salalaṃ pupphaṃ vipassiṃ
okiriṃ ahaṃ.
2571. Catunavute ito kappe yaṃ pupphamabhipūjayiṃ,
Duggatiṃ nābhijānāmi
buddhapujāyiṃ phalaṃ.
2572. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
salalapupphiyo thero imā gathāyo abhāsitthāti.
- Sallapuppiyattherassa apadānaṃ
aṭṭhamaṃ. -
[BJT Page 410] [\x 410/]
269. Upāgatāsayattherāpadānaṃ.
2573. Himavantassa vemajjhe saro āsi
sunimmito,
Tatthāhaṃ rakkhaso āsiṃ
heṭhasilo bhayānako.
2574. Anukampako kāruṇiko vipassi
lokanāyako,
Mamuddharitukāmo so āgacchi mama
santike1-
2575. Upāgataṃ mahāvīraṃ
devadevaṃ narāsabhaṃ,
Āsayā abhinikkhamma avandiṃ
santhuno ahaṃ.
2576. Catunavute ito kappe yaṃ vandiṃ
purisuttamaṃ,
Duggatiṃ nābhijānāmi
vandanāya idaṃ phalaṃ.
2577. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
upāgatāsayo thero imā gathāyo abhāsitthāti.
- Upāgatāsayattherassa apadānaṃ
navamaṃ. -
[PTS Page 234] [\q 234/]
270. Taraṇiyattherāpadānaṃ.
2578. Suvaṇṇavaṇṇo
sambuddho vipassi dakkhiṇārabho,
Naditire ṭhito satthā bhikkhusaṅghapurakkhato.
2579. Nāvā na vijjate tattha santāraṇi
mahaṇṇave,
Nadiyā abhinikkhamma tāresiṃ
lokanāyakaṃ.
2580. Catunavute ito kappe yaṃ tāresiṃ
naruttamaṃ,
Duggatiṃ nābhijānāmi
taraṇāya idaṃ phalaṃ.
2581. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
taraṇiyo thero imā gathāyo abhāsitthāti.
- Taraṇiyattherassa apadānaṃ
dasamaṃ. -
Uddānaṃ:
Ukkhepi tela candi ca dīpado ca biḷālido
Maccho javo salalado rakkhaso taraṇo
dasa
Gāthāyo cettha saṅkhātā
tāḷisaṃ cekameva ca.
- Ākāsukkhipiyavaggo sattavisatimo.
-
1. Sattakaṃ, machasaṃ