[CPD Classification 2.5.13]
[PTS Vol Ap 1 ] [\z Ap /] [\f Ia /]
[BJT Vol Ap 1 ] [\z Ap /] [\w Ia /]
[BJT Page 420] [\x 420/]
[PTS Page 239] [\q 239/]
Suttapiṭake khuddakanikāye
Apadānapāḷi.
Namo tassa bhagavato arahato sammāsambuddhassa.
Paṇṇādāyakavaggo
281. Paṇaṇadāyakattherāpadānaṃ.
2623. Paṇṇasāle nisinnomhi
paṇṇabhojanabhojano,
Upaviṭṭhañca maṃ
santaṃ upāgacchi mahāmuni1-
2624. Siddhattho lokapajjoto sabbalokatikicchako,
Tassa paṇṇaṃ mayā
dinnaṃ nisinnaṃ2- paṇṇasanthare.
2625. Catunavute ito3- kappe yaṃ paṇṇamadadiṃ
tadā,
Duggatiṃ nābhijānāmi
paṇṇadānassidaṃ phalaṃ.
2627. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
paṇṇadāyako thero imā gathāyo abhāsitthāti.
- Paṇṇadāyakattherassa
apadānaṃ paṭhamaṃ. -
282. Phaladāyakattherāpadānaṃ.
2627. Sinerusamasantoso dharaṇidharasādiso,
Vuṭṭhihitvā samādimhā
bhikkhāya mamupaṭṭhito.
2628. Haritakaṃ āmalakaṃ amba
jambu vibhiṭakaṃ,
Kolaṃ bhallātakaṃ khillaṃ
phārūsakaphalāni ca.
2829. Siddhatthassa mahesissa sabbalokānukampino,
Tañca sabbaṃ mayā dinnaṃ
vippasannena cetasā.
2630. Catunavute ito kappe yaṃ phalaṃ
adadiṃ tadā,
Duggatiṃ nābhijānāmi
phaladānassidaṃ phalaṃ.
2631. Sattapaññāsito kappe
ekajjho nāma khattiyo,
Sattaratanasampanenā cakkavatti mahabbalo.
2632. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
phaladāyako thero imā gathāyo abhāsitthāti.
-Paladāyakattherassa apadānaṃ
dutiyaṃ. -
*Ekāsadamaṃ bhāṇavāraṃ, machasaṃ 1. Mahāisi, machasaṃ 2. Nisinnassa, syā 3. Catunna vutino, machasaṃ
[BJT Page 422] [\x 422/]
[PTS Page 240] [\q 240/]
283. Paccuggamaniyattherāpadānaṃ.
2633. Sihaṃ yathā vanacaraṃ
nisabhājāniyaṃ yathā,
Kakudhaṃ vilasantaṃva āgacchantaṃ
nanarāsabhaṃ.
2634. Siddhatthaṃ lokapajjehaṃ sabbalokatikicchakaṃ,
Akāsiṃ paccuggamanaṃ vippasannena
cetasā.
2635. Ekanavute ito kappe paccuggacchiṃ
narāsabhaṃ,
Duggatiṃ nābhijānāmi
paccuggamane idaṃ phalaṃ.
2636. Sattavise ito kappe eko āsiṃ
janādhipo,
Saparivāroti nāmena cakkavatti
mahabbalo.
2637. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
paccuggamaniyo thero imā gathāyo abhāsitthāti.
- Paccuggamaniyattherassa apadānaṃ
tatiyaṃ. -
284. Ekapupphiyattherāpadānaṃ.
2638. Dakkhiṇambhi duvāramhi pisāvo
āsahaṃ tadā,
Addasaṃ virajaṃ buddhaṃ pitaraṃsiṃ’va
bhānumaṃ.
2639. Vipasasissa naraggassa sabbalokahitesino,
Ekapupphaṃ mayā dinnaṃ dipadindassa
tādino.
2640. Catunavute ito kappe yaṃ pupphamadadiṃ
tadā,
Duggatiṃ nābhijānāmi
buddhapūjāyidaṃ phalaṃ.
2641. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
ekapupphiyo thero imā gathāyo abhāsitthāti.
- Ekapupphiyattherassa apadānaṃ
catutthaṃ. -
[BJT Page 424] [\x 424/]
285. Maghavapupphiyattherāpadānaṃ.
2642. Nammadānadiyā tīre
sayambhu aparājito,
Samādhiṃ so samāpanno vippasanno
anāvilo.
2643. Disvā pasanno sumano sambuddhaṃ
aparājitaṃ,
Tāhaṃ maghavapupphena sayambhuṃ
pujayiṃ tadā.
[PTS Page 241] [\q 241/]
2644. Ekanavute ito kappe yaṃ pupphamabhipūjayiṃ,
Duggatiṃ nābhijānāmi
buddhapūjāyidaṃ phalaṃ.
2645. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
maghavapupphiyo thero imā gathāyo abhāsitthāti.
- Maghavapupphiyattherassa apadānaṃ
pañcamayaṃ. -
286. Upaṭṭhākadāyakattherāpadānaṃ.
2646. Rathiyaṃ paṭipajjantaṃ
āhutinaṃ paṭiggahaṃ,
Dipadindaṃ mahānāgaṃ
lokajeṭṭhaṃ narāsabhaṃ.
2647. Pakkosāpiya tassāhaṃ
sabbalokahitesino,
Upaṭṭhāko mayā
dinno siddhathessa mahesino.
2648. Paṭiggahetvā sambabuddho
niyyātesi mahāmuni,
Uṭṭhāya āsanā
tamhā pakkāmi pācināmukho.
2649. Catunavute ito kappe upaṭṭhākamadaṃ
tadā,
Duggatiṃ nābhijānāmi
upaṭṭhānassidaṃ phalaṃ.
2650. Sattapaññāsito kappe
balasena sanāmako,
Sattaratanasampanenā cakkavatti mahabbalo.
2651. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
upaṭṭhākadāyako thero imā gathāyo
abhāsitthāti.
- Upaṭṭhākadāyakattherassa
apadānaṃ chaṭṭhaṃ. -
[BJT Page 426] [\x 426/]
287. Apadāniyattherāpadānaṃ.
2652. Apadānaṃ sugatānaṃ
kittayiṃ’haṃ mahesino,
Pāde ca sirasā vandiṃ pasanno
sehi pāṇihi.
2653. Dvenavute ito kappe apadānaṃ
pakittayiṃ,
Duggatiṃ nābhijānāmi
kittanāya idaṃ phalaṃ.
2654. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
apadāniyo thero imā gathāyo abhāsitthāti.
- Apadāniyattherassa apadānaṃ
sattamayaṃ. -
[PTS Page 242] [\q 242/]
288. Sattāhapabbajitattherāpadānaṃ.
2655. Vipassissa bhagavato saṅgho sakkatamānito,
Vyasanaṃ me anuppatataṃ ñātibhedo
pure ahu.
2656. Pabbajja mubagantvāna vyasanupasamāya’haṃ,
Sattāhābhirato tattha satthusāsanakamyatā.
2657. Ekanavute ito kappe yamahaṃ pabbajiṃ
tadā,
Duggatiṃ nābhijānāmi
pabbajjāya idaṃ phalaṃ.
2658. Sattasaṭṭimbhito kappe satta
āsuṃ mahipati,
Sunikkhamāti ñāyanti cakkavatti
mahabbalo.
2659. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
sattāhapabbajito thero imā gathāyo abhāsitthāti.
- Sattāhapabbajitattherassa apadānaṃ
aṭṭhamaṃ. -
289. Buddhupaṭṭhākattherāpadānaṃ.
2660. Veṭambariti1- me nāmaṃ
pitusantaṃ mamaṃ tadā,
Mama hatthaṃ gahetvāna upānayi
mahāmuniṃ.
2661. Ime maṃ uddisissanti buddhā
lokagganāyakā,
Te’haṃ upaṭṭhiṃ sakkaccaṃ
pasanno sehi pāṇihi.
1. Voṭambhiniti machasaṃ vedhambhiniti, syā
[BJT Page 428] [\x 428/]
2662. Ekatiṃse ito kappe buddhe paricariṃ
tadā,
Duggatiṃ nābhijānāmi
upaṭṭhānassidaṃ phalaṃ.
2663. Tevisambhi ito kappe caturo āsu
khattiyo,
Samaṇupaṭṭhākā1-
nāma cakkavatti mahabbalo.
2664. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
buddhupaṭṭhāko thero imā gathāyo abhāsitthāti.
-Buddhapaṭṭhākattherassa
apadānaṃ navamaṃ. -
[PTS Page 243] [\q 243/]
290. Pubbaṅgamiyattherāpadānaṃ.
2665. Cullāsitisahassāni pabbajimha
akiñcanā,
Tesaṃ pubbaṅgamo āsiṃ
uttamatthassa pattiyā.
2666. Sarāgā sabhavā2-
cete vippasnanamanāvilā3,
Upaṭṭhahiṃsu sakkaccaṃ
pasannā sehi pāṇiha.
2667. Khiṇāsavā vantadosā
katakiccā anāsavā,
Phariṃsu4- mettacittena sayambhu aparājitā.
2668. Tesaṃ upaṭṭhahitvāna
sambuddhānaṃ patissato,
Maraṇañca anuppatto devattañca
agamhase.
2669. Catunavute ito kappe yā silamanupālayiṃ,
Duggatiṃ nābhijānāmi
saññamassa idaṃ phalaṃ.
2670. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
pubbaṅgamiyo thero imā gathāyo abhāsitthāti.
- Pubbaṅgamiyattherassa apadānaṃ
dasamaṃ. -
Uddānaṃ:
Paṇṇaṃ phalaṃ puccuggamaṃ5-
ekapupphi ca maghavā
Upaṭṭhākā padānañca
pabbajjā baddhupaṭṭhāko
Pubbaṅgamo ca gāthāyo aṭṭatāḷisa
kitatitāni.
- Paṇṇādāyakavaggo
ekunatiṃsatimo. -
1. Samaṇupaṭṭhakā
si mu
2. Samohā, syā
3. Vippasannamanāvilaṃ, simu
4. Pharisuṃ simu
5. Uggamiya, simu