[CPD Classification 2.5.13]
[PTS Vol Ap 1 ] [\z Ap /] [\f Ia /]
[BJT Vol Ap 1 ] [\z Ap /] [\w Ia /]
[BJT Page 430] [\x 430/]
[PTS Page 243] [\q 243/]
Suttapiṭake khuddakanikāye
Apadānapāḷi.
Namo tassa bhagavato arahato sammāsambuddhassa.
Citakapujakavaggo
291. Citakapujakattherāpadānaṃ.
2671. Ajito nāma nāmena ahosiṃ
brāhmaṇo tadā,
Āhutiṃ siṭṭhukāmā’haṃ
nānāpuphaṃsamānayiṃ.
2672. Jalantaṃ citakaṃ disvā
sikhino lokabandhuno,
Taṃ ca pupphaṃ samānetvā
citake okiriṃ ahaṃ.
[PTS Page 244] [\q 244/]
2673. Ekatiṃse ito kappe yaṃ pupphamabhipūjayiṃ,
Duggatiṃ nābhijānāmi
budadhapujāyidaṃ phalaṃ.
2674. Sattavise ito kappe sattāsuṃ
manujādhipā,
Supajjalitatāmā te cakkavatti
mahabbalo.
2675. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
citakapujako thero imā gathāyo abhāsitthāti.
- Citakapujakattherassa apadānaṃ
paṭhamaṃ. -
292. Pupphadhārakattherāpadānaṃ.
2676. Vākatiradharo āsiṃ
ajānuttaravāsano,
Abhāññāpañcanibbattā
candassa parimajjako.
2677. Vipassiṃ lokapajjotaṃ disvā
ahigataṃ mama,
Pāricchattakapupphāni dhāresiṃ
satthuno ahaṃ.
2678. Ekanavute ito kappe yaṃ pupphamabhādhārayiṃ,
Duggatiṃ nābhijānāmi
dhāraṇāya idaṃ phalaṃ.
2679. Sattāsitimbhito kappe eko āsiṃ
mahipati,
Samantadhāraṇo nāma cakkavatti
mahabbalo.
2680. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
pupphadhārako thero imā gathāyo abhāsitthāti.
- Pupphadhārakattherassa apadānaṃ
dutiyaṃ. -
[BJT Page 432] [\x 432/]
293. Chattadāyakattherāpadānaṃ.
2681. Putto mama pabbajito kāsāyavasano
tadā,
So ca buddhattaṃ sampatto nibbuto lokapujato.
2682. Vicinanto sakaṃ puttaṃ agamaṃ
pacchato ahaṃ,
Nibbutassa mahantassa citataṃ agamāsahaṃ.
2683. Paggayha añjaliṃ tattha vanditvā
citakaṃ ahaṃ,
Setacchattañca paggayha āropesiṃ
ahaṃ tadā.
2684. Catunavute ito kappe yaṃ chattamabhiropayiṃ,
Duggatiṃ nābhijānāmi
chattadānassidaṃ phalaṃ.
[PTS Page 245] [\q 245/]
2685. Pañcavise ito kappe satta āsuṃ
janādhipā,
Mahāraha sanāmā te cakkavatti
mahabbalo.
2686. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
chattadāyako thero imā gathāyo abhāsitthāti.
- Chattadāyakattherassa apadānaṃ
tatiyaṃ. -
294. Saddasaññakattherāpadānaṃ.
2687. Anuggatamhi ādicce panādo
vipulo ahu,
Buddhaseṭṭhassa lokamhi pātubhāvo
mahesino.
2688. Sadadmassohaṃ tattha na ca passāmi
taṃ jinaṃ,
Maraṇe ca anuppatte buddhasaññamanussariṃ.
2689. Catunavute ito kappe yaṃ saññamalabhiṃ
tadā,
Duggatiṃ nābhijānāmi
buddhasaññāyidaṃ phalaṃ.
2690. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
saddasaññako thero imā gathāyo abhāsitthāti.
- Saddasaññakattherassa apadānaṃ
catutthaṃ. -
[BJT Page 434] [\x 434/]
295. Gosisanikkhepakattherāpadānaṃ.
2691. Ārāmadvārā
nikkhamma gosisaṃ santhataṃ mayā,
Anubhomi sakaṃ kammaṃ pubbakammassidaṃ
phalaṃ.
2692. Ājāniyā vātajavā
sindhavā sīghavāhanā,
Anubhomi sabbametaṃ gosisassa idaṃ
phalaṃ.
2693. Aho kāraṃ paramakāraṃ
sukhette sukataṃ mayā,
Saṅghe katassa kārassana aññaṃ
kalamagghati.
2694. Catunavute ito kappe yaṃ sisaṃ
santhariṃ ahaṃ,
Duggatiṃ nābhijānāmi
santharassa idaṃ phalaṃ.
2695. Pañcasattatikappamhi suppatiṭṭhita
nāmako,
Eko āsiṃ mahātejo cakkavatti
mahabbalo.
2696. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
gosisanikkhepako thero imā gathāyo abhāsitthāti.
- Gosisanikkhepakattherassa apadānaṃ
pañcamaṃ. -
[PTS Page 246] [\q 246/]
296. Pādapujakattherāpadānaṃ.
2697. Pabbate himavantamhi ahosiṃ kinnaro
tadā,
Addasaṃ virajaṃ buddhaṃ pitaraṃsiṃva
bhānumaṃ.
2698. Upetaṃ kamahaṃ1- buddhaṃ
vipassiṃ lokanāyakaṃ,
Candanaṃ tagarañcāpi pāde
osiñcahaṃ tadā.
2699. Catunavute ito kappe yaṃ pādamabhipujayiṃ,
Duggatiṃ nābhijānāmi
pādapujāyidaṃ phalaṃ.
2700. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
pādapujako thero imā gathāyo abhāsitthāti.
- Pādapujakattherassa apadānaṃ
chaṭṭhaṃ. -
1. Upetopi tadā, syā
[BJT Page 436] [\x 436/]
297. Desakittakattherāpadānaṃ.
2701. Upasāḷhaka nāmo’haṃ
ahosiṃ brāhmaṇo tadā,
Kānanaṃ vanamogāḷhaṃ
lokajeṭṭhaṃ narāsabhaṃ.
2702. Disvāna vandiṃ pādesu
lokāhutipaṭiggahaṃ,
Pasannacittaṃ mā ñatvā
buddho antaradhāyatha.
2703. Kānanā abhinikkhamma buddhaseṭṭhamanussariṃ,
Taṃ desaṃ kittayitvāna kappaṃ
saggambhi modahaṃ.
2704. Dvenavute ito kappe yaṃ desamabhikittayiṃ,
Duggatiṃ nābhijānāmi
kittanāya idaṃ phalaṃ.
2705. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
desakittako thero imā gathāyo abhāsitthāti.
- Desakittakattherassa apadānaṃ
sattamaṃ. -
298. Saraṇagamanayatherāpadānaṃ.
2706. Pabbate himavantamhi ahosiṃ luddako
ahaṃ,
Vipassiṃ addasaṃ buddhaṃ lokajeṭṭhaṃ
narāsabhaṃ.
2707. Upāsitvāna sambuddhaṃ
veyyāvaccamakāsahaṃ,
Saraṇañca upāgacchiṃ
dipadindassa tādino.
[PTS Page 247] [\q 247/]
2708. Catunavute ito kappe saraṇaṃ
yamagacchahaṃ,
Duggatiṃ nābhijānāmi
saraṇagamanapphalaṃ.
2709. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
saraṇagamaniyo thero imā gathāyo abhāsitthāti.
- Saraṇagamaniyattherassa apadānaṃ
aṭṭhamaṃ. -
299. Ambapiṇḍiyattherāpadānaṃ.
2710. Romaso nāma nāmena dānavo
iti vissuto,
Ambabapiṇḍī mayā
dinnā1- vipassissa mahesino,
2711. Ekanavute ito kappe yammabamadadiṃ
tadā,
Duggatiṃ nābhijānāmi
ambadānassidaṃ phalaṃ.
1. Ambapiṇḍo mayā dinno, syā
[BJT Page 438] [\x 438/]
2712. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
ambapiṇḍiyo thero imā gathāyo abhāsitthāti.
- Ambapiṇḍiyattherassa apadānaṃ
navamaṃ. -
300. Anusaṃsāvakattherāpadānaṃ.
2713. Piṇḍāya caramānāhaṃ
vipassiṃ addasaṃ jānaṃ,
Uḷuṅkabhikkhaṃ pādāsiṃ
dipadindassa tādino.
2714. Pasannacitto sumano abhivādesahaṃ
tadā,
Anusaṃsāvayiṃ buddhaṃ
uttamatthassa pattiyā.
2715. Catunavute ito kappe anusaṃsāvayiṃ
ahaṃ,
Duggatiṃ nābhijānāmi
anusaṃsāvanāphalaṃ.
2716. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
anusaṃsāvako thero imā gathāyo abhāsitthāti.
- Anusaṃsāvakattherassa apadānaṃ
dasamaṃ. -
Uddānaṃ:
Citakaṃ pārichatto ca sadda gosisasantharaṃ
Padaṃ padesaṃ saraṇaṃ
ambo saṃsāvako pi ca
Sattāḷisa gāthāyo
gaṇitāyo vibhāvihi.
- Citakapujakavaggo tiṃsatimo -
[PTS Page 248] [\q 248/]
Atha vagguddānaṃ:
Kaṇikāro hatthidado ālambaṇudakāsanaṃ
Tuvaraṃ thomako veca ukkhepaṃ sisupadhānaṃ
Paṇṇado citapuji ca gāthāyo
ceva sabbaso
Cattāri ca satāniha ekapaññāsameva
ca.
Pañcavisasatā sabbā dvāsattati
taduttari,
Tisataṃ apadānānaṃ
gaṇitā atthadassihi.
- Tatiyaṃ satakaṃ1- samattaṃ.
1. Kaṇikāravaggadasakaṃ, machasaṃ