[CPD Classification 2.5.13]
[PTS Vol Ap 1 ] [\z Ap /] [\f Ia /]
[BJT Vol Ap 1 ] [\z Ap /] [\w Ia /]
[BJT Page 440] [\x 440/]
[PTS Page 248] [\q 248/]
Suttapiṭake khuddakanikāye
Apadānapāḷi.
Namo tassa bhagavato arahato sammāsambuddhassa.
Padumakesariyavaggo
301. Padumakesariyattherāpadānaṃ.
2717. Isisaṅghe ahaṃ pubbe āsiṃ
mātaṅgavāraṇo,
Mahesinaṃ pasādena padamakesaramokiriṃ
2718. Paccekajinaseṭṭhesu dhutarāgesu
tādisu,
Tesu cittaṃ pasādetvā kappaṃ
saggamhi modahaṃ.
2719. Catunavute ito kappe kesaraṃ okiriṃ
tadā,
Duggatiṃ nābhijānāmi
buddhapūjāyidaṃ phalaṃ.
2720. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
padumakesariyo thero imā gathāyo abhāsitthāti.
-Padumakesariyattherassa apadānaṃ
paṭhamaṃ. -
302. Sabbagandhiyattherāpadānaṃ.
2721. Gandhamālaṃ mayā dinnaṃ
vipassissa mahesino,
Adāsiṃ ujubhūtassa koseyyaṃ
vatthamuttamaṃ.
2722. Ekanavute ito kappe yaṃ gandhamadadiṃ1-
pure,
Duggatiṃ nābhijānāmi
gandhadānassidaṃ phalaṃ.
[PTS Page 249] [\q 249/]
2723. Ito paṇṇarase kappe sucelo
nāma khattiyo,
Sattaratanasampanno cakkavatti mahabbalo.
2724. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
sabbagandhiyo thero imā gathāyo abhāsitthāti.
- Sabbagandhiyattherassa apadānaṃ
dutiyaṃ. -
303. Paramannadāyakattherāpadānaṃ.
2725. Ṇikāraṃ’va jotantaṃ
udayantaṃ’va bhānumaṃ,
Vipassimaddasaṃ buddhaṃ lokejeṭṭhaṃ
narāsabhaṃ.
2726. Añajalimpaggahetvāna abhinesiṃ2-
sakaṃ gharaṃ,
Abhinetvāna3- sambuddhaṃ paramannaṃ
adāsahaṃ.
1. Vatthamadadiṃ, simu 2. Atinesiṃ, sīmu 3. Atinetvāna, simu
[BJT Page 442] [\x 442/]
2727. Ekanavute ito kappe paramannaṃ dadiṃ
tadā,
Duggatiṃ nābhijānāmi
paramannasisidaṃ phalaṃ.
2728. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
paramannadāyako thero imā gathāyo abhāsitthāti.
- Paramannadāyakattherassa apadānaṃ
tatiyaṃ. -
304. Dhammasaññakattherāpadānaṃ.
2729. Vipassino bhagavato mahābodhimaho
ahu,
Rukkhaṭṭhe yeva1- sambuddhe lokajeṭṭhe
narāsabhe.
2730. Bhagavā tamhi samaye bhikkhusaṅghapurakkhato,
Catusaccaṃ pakāseti vācāsabhimudirayaṃ.
2731. Saṅkhittena ca desenno vitthārena
ca desayaṃ2,
Vivaṭṭacchado sambuddho nibbāpesi
mahājanaṃ.
2732. Tassāhaṃ dhammaṃ sutvāna
lokajeṭṭhassa tādino,
Vanditvā satthuno pāde pakkāmi
uttarāmukho.
2733. Ekanavute ito kappe yaṃ dhammamasuniṃ
tadā,
Duggatiṃ nābhijānāmi
dhammasaññāyidaṃ phalaṃ. 3-
2734. Tettiṃsamhi ito kappe eko āsiṃ
mahipati,
Sutavā nāma nāmena cakkavatti
mahabbalo.
2735. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
dhammasaññako thero imā gathāyo abhāsitthāti.
- Dhammasaññakattherassa apadānaṃ
catutthaṃ. -
[PTS Page 250] [\q 250/]
305. Phalasāyakattherāpadānaṃ.
2736. Bhāgirathinaditire ahosi assamo
tadā,
Tamahaṃ assamaṃ gacchiṃ phalahattho
apekkhavā4,
2737. Vipassiṃ tattha addakkhiṃ pitaraṃsiṃ’va
bhānumaṃ,
Yaṃ me atthi phalaṃ sabbaṃ adāsiṃ
satthuno ahaṃ
1. Rukkhaṭṭhasseva smabuddho, machasaṃ 2. Desiyi, syā 3. Dhamamasavassidaṃ phalaṃ, machasaṃ dhammasavaṇassidaṃphalaṃ, simu 4. Apekhavā, simu
[BJT Page 444] [\x 444/]
2738. Ekanavute ito kappe yaṃ phalaṃ
adadiṃ tadā,
Duggatiṃ nābhijānāmi
phaladānassidaṃ phalaṃ.
2739. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
phaladāyako thero imā gathāyo abhāsitthāti.
- Phaladāyakattherassa apadānaṃ
pañcamaṃ. -
306. Sampasādakattherāpadānaṃ.
2740. Namo te buddhaviratthu vippamuttosi sabbadhi,
Vyasanaṃ hi1- anuppatto tassa me saraṇaṃ
bhava.
2741. Siddhattho tassa vyākāsi
loke appaṭipuggalo,
Mahodadhisamo saṅgho appameyyo anuttaro.
2742. Tattha tvaṃ viraje khette anantaphaladāyake,
Saṅgho cittaṃ pasādehi2- subījaṃ
vāpi3- ropaya.
2743. Idaṃ vavona sabbaññu
lokajeṭṭho narāsabho,
Mamevaṃ4- anusāsitvā vehāsaṃ
nabhamuggami.
2744. Aciraṃ gatamattamhi sabbaññumhi
narāsabhe,
Maraṇaṃ samanuppatto tusitaṃ
upapajjahaṃ.
2745. Tadāhaṃ viraje khette anantaphaladāyake,
Saṅghe cittaṃ pasadetvā kappaṃ
saggamhi modahaṃ.
2746. Catunavute ito5- kappe pasādamalabhiṃ
tadā,
Duggatiṃ nābhijānāmi
pasādassa idaṃ phalaṃ.
2747. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
sampasādāko thero imā gathāyo abhāsitthāti.
- Sampasādakattherassa apadānaṃ
chaṭṭhaṃ. -
1. Byasanamhi, machasaṃ 2. Pasādetvā, masaṃ 3. Cāpa, machasaṃ 4. Mameva, machasaṃ 5. Catunnavutito, machasaṃ
[BJT Page 446] [\x 446/]
[PTS Page 251] [\q 251/]
307. Ārāmadākattherāpadānaṃ.
2748. Siddhatthassa bhagavato ārāmo
ropito mayā,
Sandacchāyesu rukkhesu upasantesu pakkhisu.
2749. Addasaṃ virajaṃ buddhaṃ
āhutinaṃ paṭiggahaṃ,
Ārāmaṃ atināmesiṃ
lokajeṭṭhaṃ narāsabhaṃ.
2750. Haṭṭho haṭṭhena
cittena phalaṃ pupphañcadāsahaṃ1,
Tato jātappasādo ca2- taṃ
vanaṃ pariṇāmayiṃ.
2751. Buddhassa yamidaṃ dāsiṃ
vippasannena cetasā,
Bhave nibbattamānamhi nibbattati phalaṃ
mama.
2752. Catunavute ito kappe yamārāmaṃ
phalaṃ dadiṃ3- tadā,
Duggatiṃ nābhijānāmi
ārāmassa idaṃ phalaṃ.
2753. Sattatiṃse ito kappe sattāsuṃ
mudusitalā,
Sattaratanasampannā cakkavatti mahabbalā.
2754. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
ārāmadāyako thero imā gathāyo abhāsitthāti.
- Ārāmadāyakattherassa
apadānaṃ sattamaṃ. -
308. Anulepadāyakattherāpadānaṃ.
2755. Atthadassa munino addasaṃ sāvakaṃ
ahaṃ,
Kavakammaṃ karontassa simāya upagacchahaṃ.
2756. Niṭṭhite kavakamme ca anulepamadāsahaṃ,
Pasannacitto sumano puññakkhette
anuttare
2757. Aṭṭhārase kappasate
yaṃ kammamakariṃ tadā,
Duggatiṃ nābhijānāmi
anulepassidaṃ phalaṃ.
2758. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
anulepadāyako thero imā gathāyo abhāsitthāti.
- Anulepadāyakattherassa apadānaṃ
aṭṭhamaṃ. -
1. Phalaṃ pupphamadāsahaṃ, machasaṃ 2. Padādo ca, simu 3. Yaṃ ārāmamadaṃ tadā, machasaṃ
[BJT Page 448] [\x 448/]
[PTS Page 252] [\q 252/]
309. Buddhasaññakattherāpadānaṃ.
2759. Udentaṃ sataraṃsiṃ’va pitarāsiṃ’va
bhānumaṃ,
Vanantaragataṃ santaṃ lokajeṭṭhaṃ
narāsabhaṃ.
2760. Addasaṃ supinattena siddhatthaṃ
lokanāyakaṃ,
Tattha cittaṃ pasādetvā
sugatiṃ upapajjahaṃ.
2761. Catunavute ito kappe yaṃ saññamalabhiṃ
tadā,
Duggatiṃ nābhijānāmi
buddhasaññāyidaṃ phalaṃ.
2762. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
buddhasaññako thero imā gathāyo abhāsitthāti.
- Buddhasaññakattherassa apadānaṃ
navamaṃ. -
310. Pabahāradāyakattherāpadānaṃ.
2763. Piyadassino bhagavato pabhāro sodhito
mayā,
Ghaṭakañca upaṭṭhāsiṃ
paribhogāya tādino.
2764. Taṃ me buddho viyākāsi
piyadassi mahāmuni,
Sahassakaṇḍo satabheṇḍu
dhajālu haritāmayo.
2765. Nibbattissati so yupo ratanañca
anappakaṃ,
Pabbhāradānaṃ datvāna
kappaṃ saggamhi modahaṃ.
2766. Ito khattiṃsakappamhi susuddho nāma
khattiyo,
Sattaratanasampannā cakkavatti mahabbalā.
2767. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
pabbhāradāyako thero imā gathāyo abhāsitthāti.
- Pabbhāradāyakattherassa apadānaṃ
dasamaṃ. -
Uddanaṃ:
Kesaraṃ gandha mannañca dhammasaññi
elena ca,
Pasādārāmadāyī
ca lepako buddhasaññako,
Pabbhārado ca gāthāyo
ekapaññāsa kittiyā.
- Padumakesariyavaggo1- ekatiṃsatimo.
-