[CPD Classification 2.5.13]
[PTS Vol Ap 1 ] [\z Ap /] [\f Ia /]
[BJT Vol Ap 1 ] [\z Ap /] [\w Ia /]
[BJT Page 460] [\x 460/]
[PTS Page 258] [\q 258/]
Suttapiṭake khuddakanikāye
Apadānapāḷi.
Namo tassa bhagavato arahato sammāsambuddhassa.
Ummāpupphiyavaggo
321. Ummāpupphiyattherāpadānaṃ.
2825. Samāhitaṃ samāpannaṃ
siddhatthamaparājitaṃ,
Samādhinā upaviṭṭhaṃ
addasāhaṃ naruttamaṃ.
2826. Ummāpupphaṃ gahetvāna
buddhassa abhiropayiṃ,
Sabbe pupphā ekasīsā uddhavaṇṭā1-
adhomukhā.
2827. Sucittā viya tiṭṭhanne
ākāse pupphasanthare2,
Tena cittappasādena tusitaṃ upapajjahaṃ.
2828. Catunavute ito3- kappe yaṃ pupphamabhipūjayiṃ,
Duggatiṃ nābhijānāmi
buddhapūjāyidaṃ phalaṃ.
2829. Pañcapaññāsiko
kappe eko āsiṃ mahipati,
Samantacchadano nāma cakkavatti mahabbalā.
2830. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
ummāpupphiyo thero imā gathāyo abhāsitthāti.
- Ummāpupphiyattherassa apadānaṃ
paṭhamaṃ. -
[PTS Page 259] [\q 259/]
322. Pulitapujakattherāpadānaṃ.
2831. Kakudhaṃ vipasantaṃva nisabhājāniyaṃ
yathā,
Osadhiṃva virocantaṃ obhāsantaṃ
nārāsabhaṃ.
2832. Añjaliṃ paggahetvāna
avandiṃ santhuno ahaṃ,
Satthāraṃ parivaṇṇesiṃ
sakakammena tosito4-
2833. Susuddhaṃ pulitaṃ gayha gatamagge
samokiriṃ,
Ucchaṅgena gahetvāna vipassissa
mahesino.
2834. Tato upaḍḍhapulinaṃ
vippasannena cetasā,
Divāvihāre osiñciṃ
dipadindassa tādino.
2835. Catunavute ito kappe pulinaṃ yamasiñcahaṃ,
Duggatiṃ nābhijānāmi
pulinassa idaṃ phalaṃ.
2836. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
pulinapujako thero imā gathāyo abhāsitthāti.
- Pulinapujakattherassa apadānaṃ
dutiyaṃ. -
*Umāpupphiyattherāpadānaṃ, machasaṃ 1. Udadhaṃvaṇṭā, machasaṃ 2. Pupphasantharā, machasaṃ 3. Catunnavutito, machasaṃ 4. Tosayiṃ, machasaṃ
[BJT Page 462] [\x 462/]
323. Hāsajanakattherāpadānaṃ.
2837. Dumagge paṃsukūlakaṃ1-
laggaṃ satthuno,
Añajalimpaggahetvāna bhiyyo uccaritaṃ
mayā.
2838. Durato patidissāna2- haso me udapajjatha3,
Añajalimpaggahetvāna bhiyyo cittaṃ
padādayiṃ.
2839. Ekanavute ito kappe yaṃ saññamalabhiṃ
tadā,
Duggatiṃ nābhijānāmi
buddhasaññāyidaṃ phalaṃ.
2840. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
hāsajanako thero imā gathāyo abhāsitthāti.
- Hāsajanakattherassa apadānaṃ
tatiyaṃ. -
[PTS Page 260] [\q 260/]
324. Yaññasāmikattherāpadānaṃ.
2841. Jātiyā satatvassohaṃ
ahosiṃ mantapāragu,
Kulavaṃsaṃ4- adhāresiṃ
yañño usasāhito mayā.
2842. Cullāsitisahassāni pasu
haññanti me tadā,
Sārathambhupanitāni5- yaññatthāya
upaṭṭhitā.
2843. Ukkāmukhapahaṭṭhova
khadiraṅgārasannibho,
Udayantova suriyo puṇṇamāseva
candimā.
2844. Siddhattho sabbasiddhattho tilokambhito
hito,
Upagantvāna sambuddho idaṃ vacanamabravi
2845. "Ahiṃsā sabbapāṇānaṃ
kumāra mama ruccati,
Theyyā ca aticārā ca majjapānā
ca ārati.
2846. Rati ca samacariyāya bāhusaccaṃ
kataññutā,
Diṭṭhe dhamme parattha ca ete
dhammā pasaṃsiyā.
2847. Ete dhamme bhāvayitvā sabbasattahite
rato,
Buddhe citataṃ pasādetvā
bhāvehi maggamuttamaṃ"
2848. Idaṃ vatvāna sabbaññu
lokajeṭṭho narāsabho,
Mamevamanusāsitvā vehāsamuggato
gato
2849. Pubbe cittaṃ visedhetvā pacchā
cittaṃ pasādayiṃ,
Tena cittappasādena tusitaṃ upapajjahaṃ.
1. Paṃsukulikaṃ, syā 2. Pana disvāna, machasaṃ 3. Upapajjatha, simu 4. Kulavattaṃ, machasaṃ 5. Sārasamiṃ, hi upatitāni, machasaṃ
[BJT Page 464] [\x 464/]
2850. Catunavute ito kappe yadā cittaṃ
pasādayiṃ,
Duggatiṃ nābhijānāmi
buddhasaññāyidaṃ phalaṃ.
2851. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
yaññasāmiko thero imā gathāyo abhāsitthāti.
- Yaññasāmikattherassa
apadānaṃ catutthaṃ. -
[PTS Page 261] [\q 261/]
325. Nimittasaññakattherāpadānaṃ.
2852. Vandahāgānaditire vasāmi
assame ahaṃ,
Suvaṇṇamiga maddakkhiṃ carantaṃ
vipite ahaṃ.
2853. Mige citteṃ pasādetvā
lokajeṭṭamanussariṃ,
Tena cittappasādena aññe
buddhe anussariṃ.
2854. Abbhatitā ca ye buddhā vattamānā
anāgatā,
Evameva virocanti migarājāva
te tayo.
2855. Catunavute ito kappe yaṃ saññamalabhiṃ
tadā,
Duggatiṃ nābhijānāmi
buddhasaññāyidaṃ phalaṃ.
2856. Sattavise ito kappe eko āsiṃ
mahipati,
Araññasatto nāmena cakkavatti
mahabbalā.
2857. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
nimittasaññako thero imā gathāyo abhāsitthāti.
- Nimittasaññakattherassa apadānaṃ
pañcamaṃ. -
326. Annasaṃsāvakattherāpadānaṃ.
2858. Suvaṇṇavaṇṇaṃ
sambuddhaṃ gacchantaṃ antarāpaṇe,
Kañcanagaghiyasaṅkāsaṃ
khattiṃsavaralakkhaṇaṃ.
2859. Siddhatthaṃ sabbasiddhatthaṃ
anejamaparājitaṃ,
Sambuddhaṃ atināmetvā bhojayiṃ
taṃ mahāmuni.
2860. Muni kāruṇiko loke obhāsayi
mamaṃ tadā,
Buddhe cittaṃ pasādetvā
kappaṃ saggamhi modahaṃ.
[BJT Page 466] [\x 466/]
2861. Catunavute ito kappe yaṃ dānamadadiṃ
tadā,
Duggatiṃ nābhijānāmi
bhikkhādānassidaṃ phalaṃ.
2862. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
ananasaṃsāvako thero imā gathāyo abhāsitthāti.
- Annasaṃsāvayakattherassa apadānaṃ
chaṭṭhaṃ. -
[PTS Page 262] [\q 262/]
327. Nigguṇḍipupphiyattherāpadānaṃ.
2863. Yadā devo devakāyā
cavati āyusaṅkhayā,
Tayo saddā niccharanti devānaṃ
anumodataṃ.
2864. "Ito bho sugatiṃ gaccha manussānaṃ
sahavyataṃ,
Manussabhuto saddhamme labha saddhamanuttaraṃ.
2865. Sā te saddhā niviṭṭhassa
mulajātā patiṭṭhitā,
Yāvajīvaṃ asaṃhirā
saddhamme suppavedite.
2866. Kāyena kusalaṃ katvā
vācāya kusalaṃ bahu,
Manasā kusalaṃ katvā abyāpajjaṃ
nirūpadhiṃ.
2867. Tato opadhikaṃ puññaṃ
katvā dānena taṃ bahuṃ,
Aññepi macce saddhamme brahmacariye
nivesaya"
2868. Imāya anukampāya devā
devaṃ yadā viduṃ,
Cavantaṃ ṃanumodanti "ehi devapuraṃ
puna"
2869. Imāya anukampāya devā
devaṃ yadā viduṃ,
Cavantaṃ anumodanti "ehi devapuraṃ
puna"
2870. Mama saṃvegamaññāya
samaṇo bhāvitinduyo,
Mamuddharitukāmo so āgacchi mama
santike.
2871. Sumano nāma nāmena padumuttarasāvako,
Atthadhammānusāsitvā saṃvejesi
mamaṃ tadā.
(Dvādasamaṃ bhāṇavāraṃ.
)
2872. Tassāhaṃ vacanaṃ sutvā
buddhe cittaṃ pasādayiṃ,
Taṃ ciramabhivādetvā3- tattha
kālakato ahaṃ.
1. Saṃviggohaṃ, machasaṃ 2. Kaṃ su, machasaṃ 3. Dhiraṃ abivādetvā machasaṃ
[BJT Page 468] [\x 468/]
2873. Upapajjisaṃ1- tattheva sukkamūlena
codito,
Vasanto mātukucchimbhi puna dhārisa2-
mātuyā.
2874. Tamhā kāyā cavitvāna
tidase upapajjahaṃ,
Etthantare na passāmi domanassamahaṃ
tadā.
[PTS Page 263] [\q 263/]
2875. Tāvatiṃsā cavitvāna
mātukucchiṃ samokkamiṃ,
Nikkhamitvāna kucchimhā kaṇhasukkamajānahaṃ.
2876. Jātiyā sattavassova3- ārāmaṃ
pāvisiṃ ahaṃ,
Gotamassa bhagavato sakyaputtassa tādino.
2877. Vitthārite4- pāvacane bāhujaññamhi
sāsane,
Addasaṃ sāsanakare bhikkhavo tattha
santhuno.
2878. Sāvatthi nāma nagaraṃ
rājā tatthāsi kosalo,
Rathena nāgayuttena upesi bodhimuttamaṃ.
2879. Tassāhaṃ nāgaṃ
disvāna pubbakammamanussariṃ,
Añjaliṃ paggahetvāna samayaṃ
agamāsabhaṃ.
2880. Jātiyā sattavasseva pabbajiṃ
anagāriyaṃ,
Yo so buddhaṃ upaṭṭhāsi
ānando nāma sāvako.
2881. Gatimā dhitimā ceva satimā
ca bahussuto,
Rañño cittaṃ pasādento
niyyādesi mahājuti.
2882. Tassāhaṃ dhammaṃ sutvāna
pubbakammamanussariṃ,
Tattheva ṭhitako santo arahattamapāpuṇiṃ.
2883. Ekaṃsaṃ cīvaraṃ
katvā sire katvāna añjaliṃ,
Sambuddhamabhivādetvā imaṃ
vācamudirayiṃ:
2884. Padumuttarabuddhassa dipadindassa5- santhuno,
Nigguṇḍipupphaṃ paggayha
sihāsane ṭhapesahaṃ.
2885. Tena kammena dipadinda lokaṭṭhe
narāsabha,
Pattombhi acalaṃ ṭhānaṃ
hitvā jayaparājayaṃ.
1. Upapajjiṃ, machasaṃ upapajjissaṃ, si sabbattha 2. Dhāreti, sabbattha ’dhārisaṃ’kammatthavasena gahetabbaṃ. 3. Jātiyā sattavassena, syā 4. Vithorike, machasaṃ 5. Dvipadindassa, machasaṃ
[BJT Page 470] [\x 470/]
2886. Pañcavisasahassamhi kappānaṃ
manujādhipā,
Abbudanirabbudāni aṭṭha’ṭṭhā’siṃsu
khattiyā.
2887. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
nigguṇḍipupphayo thero imā gathāyo abhāsitthāti.
- Nigguṇaḍipupphiyattherassa
apadānaṃ sattaṃ. -
[PTS Page 264] [\q 264/]
328. Sumanāveliyattherāpadānaṃ.
2888. Vessabhussa bhagavato lokajeṭṭhassa
tādino, .
Sabbe janā samāgamma mahāpujaṃ
karonti te.
2889. Sudhāya piṇḍaṃ
katvāna āvelaṃ sumanāyahaṃ,
Sihāsanassa purato abhiropesahaṃ
tadā.
2890. Sabbe janā samāgamama pekkhanti
pupphamuttamaṃ,
Keni’daṃ pujitaṃ pupphaṃ buddhaseṭṭhassa
tādino.
2891. Tena cittappasādena nimmāṇaṃ
upapajjahaṃ,
Anubhosiṃ1- sakaṃ kammaṃ pubbe
sukatamattano.
2892. Yaṃ yaṃ yonupapajjāmi
devattaṃ atha mānusaṃ,
Sabbesānaṃ piyo homi pupphapujāyi’daṃ
phalaṃ
2893. Nābhijānāmi kāyena
vācāya uda cetasā,
Saṃyatānaṃ tapassinaṃ
kataṃ akkositaṃ mayā2-
2894. Tena sucaritenāhaṃ cittassa
paṇidhihi ca,
Sabbesaṃ pujino homi anakkossi’daṃ
phalaṃ.
2895. Ekatiṃse ito kappe yaṃ pupphamabhipūjayiṃ,
Duggatiṃ nābhijānāmi
buddhapujāyi’idaṃ phalaṃ2-.
2896. Ito ekādase kappe sahassāro’si
khattiyo,
Sattaratanasampanno cakkavattī mahabbalo.
2897. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
sumanāveliyo thero imā gathāyo abhāsitthāti.
- Sumanāveliyattherassa apadānaṃ
aṭṭhamaṃ. -
1. Anubhomi, machasaṃ 2. Esā gāthā machasaṃ’ potthake natthi
[BJT Page 472] [\x 472/]
329. Pupaphachattiyattherāpadānaṃ.
2898. Siddhatthassa bhagavato lokajeṭṭhassa
tādino,
Saccaṃ pakāsayantassa nibbāpentassa
pāṇito.
2899. Jalajaṃ āharitvāna
satapattaṃ manoramaṃ,
Pupphassa chattaṃ katvāna buddhassa
abhiropayiṃ.
[PTS Page 265] [\q 265/]
2900. Siddhattho ca lokavidu āhutinaṃ
paṭiggabho,
Bhikkhusaṅghe ṭhito satho imaṃ
gāthaṃ1- abhāsatha:
2901. "Yo me cittaṃ pasādetvā
pupphachattaṃ adhārayi2-
Tena cittappasādena duggatiṃ so
na gacchati"
2902. Idaṃ vatvāna sambuddho siddhattho
lokanāyako,
Uyyojetvāna parisaṃ vehāsaṃ
nabhamuggami.
2903. Vuṭṭhite naradevambhi setacchattampi
vuṭṭhahi,
Purato buddhaseṭṭhassa gacchati
chattamuttamaṃ.
2904. Catunavute ito kappe yaṃ chattamabhiropayiṃ,
Duggatiṃ nābhijānāmi
pupphachattassi’daṃ phalaṃ2-.
2905. Catusatatatikappamhi aṭṭha
jalayikhā ahu,
Sattaratanasampanno cakkavattī mahabbalo.
2906. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
pupphachattiyo thero imā gathāyo abhāsitthāti.
- Pupphachattiyattherassa apadānaṃ
navamaṃ. -
330. Saparivārachattadāyakattherāpadānaṃ.
2907. Padumuttaro lokavidu āhutinaṃ
paṭiggaho,
Akāse jalavuṭṭhi’va vassati
dhammavuṭṭhiyā.
2908. Tamadadasāsiṃ sambuddhaṃ
desentaṃ amataṃ padaṃ,
Sakaṃ cittaṃ padādetvā
agamāsiṃ sakaṃ gharaṃ.
2909. Chattaṃ alaṅkataṃ gayha
upagacchiṃ naruttamaṃ,
Haṭṭho haṭṭhena
cittena ākāse ukkhipiṃ ahaṃ.
2910. Susaṅgahitayāvaṃva dāntova
sācakuttamo,
Upagantvāna sambuddhaṃ matthake
sampatiṭṭhahi.
2911. Anukampako kāruṇiko buddho
lokagganāyako,
Bhikkhusaṅghe nisīditvā
imā gāthā abhāsatha:
1. Imā gāthā sīmu 2. Ādhārayiṃ, machasaṃ akārayi, sīmu
[BJT Page 474] [\x 474/]
2912. "Yena chattamidaṃ dinnaṃ alaṅkataṃ
manoramaṃ,
Tena cittappasādena duggatiṃ so
na gacchati.
[PTS Page 266] [\q 266/]
2913. Sattakkhattuñca devesu devarajjaṃ
karissati,
Khattiṃsakkhattuṃ rājā
ca1- cakkavatti bhavissati.
2914. Kappasatasahassambhi okkākakulasambhāvo,
Gotamo nāma nāmena satthā
loke bhavissati.
2915. Tassa dhammesu dāyado oraso dhammanimmito,
Sabbāsave pariññāya
nibbāyissatanāsavo"
2916. Buddhassa giramaññāya
vācāsabhimudiritaṃ,
Pasannacitto sumano bhiyyo hāsaṃ
janesahaṃ.
2917. Jahitvā mānusiṃ yoniṃ
devayoniṃ2- samajjhagaṃ,
Vimānamuttamaṃ mayhaṃ abbhuggataṃ
manoramaṃ.
2918. Vimānā nikkhamantassa detacchattaṃ
dharīyati,
Tadā saññaṃ paṭilabhiṃ
pubbakammassi’daṃ phalaṃ.
2919. Devalokā cavitvāna manussatattañca
āgamiṃ,
Chattiṃsakkhattuṃ cakkavatti sattakappasatambhi’to
2920. Tamhā kāyā cavitvāna
āgañachiṃ tidasaṃ puraṃ,
Saṃsaritvā’ nupubbena mānussaṃ
punarāgamiṃ.
2921. Okkāntaṃ mātukucchiṃ
maṃ setacchattamadhārayuṃ,
Jātiyā sattavasso’haṃ pabbajiṃ
anagāriyaṃ.
2922. Sunando nāma nāmena brāhmaṇo
mantapāragu,
Phalikaṃ chattamādāya sāvakaggassa
so adā3-
2923. Anumodi mahāvīro sāriputto
mahākathi,
Sutvā’numodanaṃ tassa pubbakammamanussariṃ.
2924. Añajalimpaggahetvāna sakaṃ
cittaṃ pasādayiṃ,
Saritvā purimaṃ kammaṃ arahattamapāpuṇaṃ.
2925. Uṭṭhāya āsanā
tamhā sire katvāna añjaliṃ,
Sambuddhamabhivādetvā imaṃ
vācamudirayiṃ:
2926. Satasahasse ito kappe buddho loke anuttaro,
Padumuttaro lokavidu ahutinaṃ paṭiggaho.
1. Khattiṃsakkhattuñca rājā, machasaṃ 2. Dibbaṃ yoniṃ, machasaṃ dibbayoniṃ, syā 3. Tadā, machasaṃ
[BJT Page 476] [\x 476/]
2927. Tassa chattaṃ mayā dinnaṃ
vicittaṃ samalaṅkataṃ,
Ubho hatthehi paggaṇhi sayambhu aggapuggalo.
[PTS Page 267] [\q 267/]
2928. Aho buddho aho dhammo aho no satthu sampadā,
Ekacchattassa dānane duggatiṃ nupapajja’haṃ
2929. Kilesā jhāpitā mayhaṃ
bhavā sabbe samuhatā,
Sabbāsave pariññāya
viharāmi anāsavo.
2930. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
saparivārajattadāyako thero imā gathāyo abhāsitthāti.
- Saparivārajattadāyakattherassa
apadānaṃ dasamaṃ. -
Uddānaṃ:
Ummāpupphañca pulinaṃ haso
yañño nimittako,
Saṃsāvako nigguṇḍi
ca sumanaṃ pupphachattako,
Saparivārachatto ca gāthā
sattasatuttarā.
- Ummāpupphiyavaggo tettiṃsatimo.
-