[CPD Classification 2.5.13]
[PTS Vol Ap 1 ] [\z Ap /] [\f Ia /]
[BJT Vol Ap 1 ] [\z Ap /] [\w Ia /]
[BJT Page 476] [\x 476/]
[PTS Page 267] [\q 267/]
Suttapiṭake khuddakanikāye
Apadānapāḷi.
Namo tassa bhagavato arahato sammāsambuddhassa.
Gandhadhupiyavaggo
331. Gandhadhupiyattherāpadānaṃ.
2931. Siddhatthassa bhagavato gandhadhupamadāsahaṃ,
Sumanehi paṭicchannaṃ buddhānucchavikañca
taṃ.
2932. Kañcanagaghiyasaṅkā
saṃ sambuddhaṃ lokanāyakaṃ1-,
Indivaraṃva jalitaṃ ādittaṃva
hutāsanaṃ.
2933. Vyagghusabhaṃva pavaraṃ abhijātaṃva
kesariṃ,
Nisinnaṃ samaṇānaggabhikkhusaṅghapurakkhataṃ
2934. Disvā cittaṃ pasādetvā
paggahetvāna añaliṃ,
Vanditvā satthuno pāde pakkāmiṃ
uttarāmukho.
2935. Catunavute ito kappe yaṃ gandhamadadiṃ
tadā,
Duggatiṃ nābhijānāmi
gandhapujāyidaṃ phalaṃ.
2906. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
gandhadhupiyo thero imā gathāyo abhāsitthāti.
- Gandhadhupiyattherassa apadānaṃ
paṭhamaṃ. -
1. Buddhaṃ lokagganāyakaṃ, machasaṃ
[BJT Page 478] [\x 478/]
[Verse 2937 to 2969 missing in PTS]
332. Udakapujakattherāpadānaṃ.
2937. Suvaṇṇavaṇṇaṃ
sambuddhaṃ gacchantaṃ anilañajase,
Ghatāsanaṃva jalitaṃ ādittaṃva
hutāsanaṃ.
2938. Pāṇinā udakaṃ
gayha ākase ukkhipiṃ ahaṃ,
Sampaṭicci mahāvīro buddho
kāruṇiko isi.
2939. Antalikkhe ṭhito satthā
padumuttaranāmako,
Mama saṅkappamaññāya
imaṃ gāthamabhāsatha:
2940. "Iminā dakadānena pitiupapādenena
ca,
Kappasatasahassampi duggatiṃ nupapajjasi".
2941. Tena kammena dipadinda lokajeṭṭa
narāsabha,
Pattomhi acalaṃ ṭhānaṃ
hitvā jayaparājayaṃ.
2942. Sahassarājanāmenana tayoca
cakkavattino,
Pañcasaṭṭhikappasate cāturantā
janādhipā.
2943. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
udakapujako thero imā gathāyo abhāsitthāti.
- Udakapujakattherassa apadānaṃ
dutiyaṃ. -
333. Punnāgapupphiyattherāpadānaṃ.
2944. Kānanaṃ vanamogayha vasāmi
luddako ahaṃ,
Punnāgaṃ pupphitaṃ disvā
buddhaseṭaṭhaṃ anussariṃ.
2945. Taṃ pupphaṃ ocinitvāna
sugandhaṃ gandhitaṃ subhaṃ,
Thupaṃ karitvā1- puline buddhassa
abhiropayiṃ.
2946. Dvenavute ito kappe yaṃ pupphamabhipūjayiṃ,
Duggatiṃ nābhijānāmi
buddhapūjāyidaṃ phalaṃ.
2947. Ekambhi navute kappe eko āsiṃ
tamonudo,
Sattaratanasampanno cakkavattī mahabbalo.
2908. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
puntāgapupphiyo thero imā gathāyo abhāsitthāti.
- Punnāgapupphiyattherassa apadānaṃ
tatiyaṃ. -
1. Katvāna, machasaṃ
[BJT Page 480] [\x 480/]
334. Ekadussadāyakattherāpādanaṃ.
2949. Nagare haṃsavatiyā ahosiṃ
tiṇahārako,
Tiṇahārena jivāmi tena
posemi dārake.
2950. Padumuttaro nāma jino sabbadhammānapāragu,
Tamandhakāraṃ nāsetvā
uppajji lokanāyako.
2951. Sake ghare nisīditvā evaṃ
cintesahaṃ tadā,
Buddho loke samuppanno deyyadhammo ca natthi
me.
2952. Idaṃ me sāṭakaṃ
ekaṃ natthi me koci dāyako,
Dukkho nirasayasamphasso ropayissāmi
dakkhiṇaṃ.
2953. Evā’haṃ cintayitvāna
sakaṃ cittaṃ pasādayiṃ,
Ekaṃ dussaṃ gahetvāna buddhaseṭṭhassadāsahaṃ.
2954. Ekaṃ dussaṃ daditvāna
ukkuṭṭhiṃ sampavattayiṃ,
Yadi buddho tuvaṃ vīra tārehi
maṃ mahāmuni.
2955. Padumuttaro lokavidu āhutinaṃ
paṭiggaho,
Mama dānaṃ pakittetto akā
me anumodanaṃ:
2956. "Iminā ekadussena cetanāpaṇidhīhi
ca,
Kappasatahassāni vinipātaṃ
na gacchati.
2957. Chattiṃsakkhattuṃ devindo devarajjaṃ
karissati,
Tettiṃsakkhattuṃ rajā ca cattavatti
bhavissati.
2958. Padesarajjaṃ vipulaṃ gaṇanato
asaṃkhiyaṃ,
Devaloke manusse vā saṃsaranto
tuvaṃ bhave.
2959. Rūpavā guṇasampanno
anavakkantadehavā,
Akkhobhaṃ amitaṃ dussaṃ labhisasi
yadicchakaṃ"
2960. Idaṃ vatvāna sambuddho jalapujattamanāmako,
Tabhaṃ abbhuggami dhīro haṃsarājāva
ambare.
2961. Yaṃ yaṃ yonupapajjāmi
devatataṃ atha mānusaṃ,
Bhoge me ūnatā natthi ekadussassidaṃ
phalaṃ.
2962. Paduddhāre paduddhāre dussaṃ
nibbattate mama,
Heṭṭhādusamhi tiṭṭhāmi
uparicchadataṃ mama.
2963. Cakkavāḷamupādāya
sakānanaṃ sapabbataṃ,
Icchamāno ca’ haṃ ajja dussehi
chādayeyya’haṃ.
[BJT Page 482] [\x 482/]
2964. Teneva ekadussena saṃsaranno bhavābhave,
Suvaṇṇavaṇṇo hutvāna
saṃsarāmi bhavābhave.
2965. Vipākaṃ ekadussassa nājjhagaṃ
kathevikkhayaṃ,
Ayaṃ me antimā jāti vipaccati
idhāpi me.
2966. Satasahasse ito kappe yaṃ dussamadadiṃ
tadā,
Duggatiṃ nābhijānāmi
ekadussassidaṃ phalaṃ.
2967. Kilesā jhapitā mayhaṃ
bhavā sabbe samuhatā,
Nāgo’va bandhanaṃ chetvā
viharāmi anāsavo.
2968. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
ekadussadāyako thero imā gathāyo abhāsitthāti.
-Ekadussadāyakattherassa apadānaṃ
catutthaṃ. -
[PTS Page 268] [\q 268/]
335. Phusitakampiyattherāpadānaṃ.
2969. Vipassi nāma sambudedhā
lokajeṭṭho narāsabho,
Khiṇāsavehi sahito saṅghārāme
vasi tadā.
2970. Ārāmadvārā
nikkhamma vipassi lokanāyako,
Saha satasahassehi aṭṭhakhiṇāsavehi
tu1-
2971. Ajānena nivattho’haṃ vākaciradharo’pi
ca,
Kusumbhodakamādāya2- sambuddhaṃ
upasaṅkamiṃ.
2972. Sakaṃ cittaṃ pasādetvā
vedajāto katañajali,
Kusumbhodakamādāya2- buddhambubhukkiriṃ
ahaṃ.
2973. Tena kammena sambuddho jalajuttamanāmako,
Mama kammaṃ pakittetvā agamā
yena patthitaṃ.
2974. Phusitā pañcasahassā
yehi pujesahaṃ tadā3,
Aḍḍhateyyasahasesa hi devarajjaṃ
akārayiṃ.
2975. Aḍḍhateyyasahasse hi cakkavatti
ahosabhaṃ,
Avasesena kamemana arahattamapāpuṇiṃ.
2976. Devarājā yadā bhomi
manujādhipati yadā,
Tameva nāmadheyaṃ me phusito nāma
homa’haṃ.
1. So, machasaṃ 2. Kusumodaka, machasaṃ 3. Jinaṃ, machasaṃ
[BJT Page 484] [\x 484/]
2977. Devabhūtassa santassa athāpi
mānusasa vā,
Samantā vyāmato mayhaṃ phusitaṃva
pavassati.
2978. Bhavā ugghāṭitā
mayhaṃ kilesā jhāpitā mama,
Sabbāsavaparikkhiṇo phusitassa
idaṃ phalaṃ.
2979. Candanasesva me kāyā tathā
gandho pavāyati,
Sāririko mamaṃ1- gajho aḍḍhakose
pavāyati.
2980. Dibbagandhaṃ sampavantaṃ puññakammasamaṅginaṃ,
Gandhaṃ ghatvāna jānatti
phusito āgato idha.
[PTS Page 269] [\q 269/]
2981. Sākhāpalāsa kaṭṭhāni
tiṇāni pi ca sabba so,
Mama saṅkappamaññāya
gandho sampajjate khaṇe.
2982. Satasahasse ito kappe candanaṃ abhipujayiṃ,
Duggatiṃ nābhijānāmi
phusitassa idaṃ phalaṃ.
2983. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
phusitakampiyo thero imā gathāyo abhāsitthāti.
- Phusitakampiyattherassa apadānaṃ
pañcamaṃ. -
336. Sabhaṅkarattherāpadānaṃ.
2984. Padumuttarassa bhagavato2- lokajeṭṭhassa
tādino,
Vipine cetiyaṃ āsi vāḷamigasamākule.
2985. Na koci visahi gantuṃ cetiyaṃ
abhivandituṃ,
Tiṇakaṭṭhalatonaddhaṃ
paluggaṃ āsi cetiyaṃ.
2986. Vanakammiko tadā āsiṃ
pitupetāmahena’haṃ3,
Addasaṃ vipine thupaṃ luggaṃ
tiṇalatākulaṃ.
2987. Disvānāhaṃ buddhathupaṃ
garucittaṃ upaṭṭhahiṃ,
"Buddhaseṭṭhassa thupo’yaṃ
paluggo acchati vane.
2988. Nacchannaṃ nappatirūpaṃ
jānantassa guṇāguṇaṃ,
Buddhathupamasodhetvā aññaṃ
kammaṃ payojaye"
2989. Tiṇaṃ kaṭṭhañca4-
valliñca sodhayitvāna cetiye,
Vanditvā aṭṭhavārāni
patikuṭiko agacchahaṃ.
1. Sāririko mama. Machasaṃ 2. Padumattara bhagavato, machasaṃ 3. Pitumātumatenahaṃ, machasaṃ 4. Tiṇakaṭṭhañca, machasaṃ
[BJT Page 486] [\x 486/]
2990. Tena kammena sukatena vetanāpaṇidhihi
ca,
Jahitvā mānusaṃ dehaṃ
tāvatiṃsamagacchahaṃ.
2991. Tattha me sukataṃ myamhaṃ sovaṇṇaṃ
sappabhassaraṃ,
Saṭṭhiyojanamubbedhaṃ tiṃsayojanavitthataṃ.
2992. Tisatāni ca vārāni
devarajjamakārayiṃ,
Pañcavisatikkhattuñca cakkavatti
ahosa’haṃ.
2993. Bhavābhave saṃsaranto mahābhogaṃ
labhāmahaṃ,
Bhoge me ūnatā natthi sodhanāya
idaṃ phalaṃ
[PTS Page 270] [\q 270/]
2994. Sivikā hatthikkhandhena vipine
gacchato mama,
Yaṃ yaṃ disāhaṃ gacchāmi
saraṇaṃ sampajjate1- vanaṃ.
2995. Khāṇuṃ vā kaṇṭakaṃ
vāpi nāhaṃ passāmi cakkhunā,
Puññakammena saṃyutto sayamevāpaniyare.
2996. Kuṭṭhaṃ gaṇḍi
kilāso ca apamāro vitacchikā,
Dadduṃ kacchu ca me natthi sodhanāya
idaṃ phalaṃ.
2997. Aññampi me acchariyaṃ
buddhathupamhi sodhite2,
Nābhājānāmi me
kāye jātaṃ pilakabindukaṃ.
2998. Aññampi me acchariyaṃ
buddhathupamhi sodhite,
Duve bhave saṃsarāmi devatte
2999. Aññampi me acchariyaṃ
buddhathupamhi sodhite,
Suvaṇṇavaṇṇo sabbattha
sappabhāsā bhavāmahaṃ.
3000. Aññampi me acchariyaṃ
buddhathupamhi sodhite,
Amanāpaṃ vipajjati manāpaṃ
upiṭṭhati.
3001. Aññampi me acchariyaṃ
buddhathupamhi sodhite
Visuddhaṃ hoti me cittaṃ ekaggaṃ
susamāhitaṃ.
3002. Aññampi me acchariyaṃ
buddhathupamhi sodhite
Ekāsane nisīditvā arahattamapāpuṇiṃ.
3003. Satasahasse ito kappe yaṃ kammamakariṃ
tadā,
Duggatiṃ nābhijānāmi
sodhanāya idaṃ phalaṃ.
3004. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
pahaṅkaro thero imā gathāyo abhāsitthāti.
- Pahaṅkarattherassa apadānaṃ
chaṭṭhaṃ. -
1. Sampate, machasaṃ 2. Budadhathupassa sodhane, sīmu
[BJT Page 488] [\x 488/]
337. Tiṇakuṭidāyakattherāpadānaṃ.
3005. Nagare bandhumatiyā ahosiṃ
parakammiko,
Parakammāyane yutto parabhattaṃ
apassino.
3006. Rahogato nisīditvā evaṃ
cintesahaṃ tadā,
"Buddho loke samuppanno adhikāro ca
natthi me.
[PTS Page 271] [\q 271/]
3007. Kālo gatiṃ1- sodhetuṃ
khaṇo me paṭipādito,
Dukkho nirayasamphasso apuññānaṃ
hi pāṇinaṃ"
3008. Evāhaṃ cintayitvāna
kammasāmiṃ upāgamiṃ,
Ekāhaṃ kammaṃ yācitvā
vipinaṃ pāvisiṃ ahaṃ.
3009. Tiṇakaṭṭhañca
valliñcaña āharitvāna’haṃ tadā,
Tidaṇḍake ṭhapetvāna
akaṃ tiṇakuṭiṃ ahaṃ.
3010. Saṅghassatthāya kuṭikaṃ
niyyātetvāna taṃ ahaṃ,
Tadaheyeva āgantvā kammasāmiṃ
upāgamiṃ.
3011. Tena kammena sukatena tāvatiṃsamagacchahaṃ,
Kattha me sukataṃ vyamhaṃ tiṇakuṭikāya
nimmitaṃ2-
3012. Sahassakaṇḍaṃ satabheṇḍu
dhajālu haritāmayaṃ3,
Satasahassaniyyuhā vyamhe pātubhaviṃsu
me.
3013. Yaṃ yaṃ yonupapajjāmi
devattaṃ atha mānusaṃ,
Mama saṅkappamaññāya
pāsādo upatiṭṭhati.
3014. Bhayaṃ vā chambhitattaṃ
lomahaṃso na vijjati,
Tāsaṃ mama na jānāmi
tiṇakuṭikāyi’daṃ phalaṃ.
3015. Sīhavyagghā ca dipi ca acchakokataracchakā,
Sabbe maṃ parivajjenti tiṇakuṭikāyi’daṃ
phalaṃ
3016. Siriṃsapā4- ca bhūtā
ca abhikumbhaṇḍarakkhasā,
Te pi maṃ parivajejanati tiṇakuṭikāyi’daṃ
phalaṃ.
3017. Na pāpasupinassā’haṃ5-
sarāmi dassanaṃ mama,
Upaṭṭhitā sati mayhaṃ
tiṇakuṭikāyi’daṃ phalaṃ.
3018. Tāyeva tiṇakuṭikāya
anubhotvāna sampadā,
Gotamassa bhagavato dhammaṃ sacchikariṃ
ahaṃ.
1. Kālo me gatiṃ, machasaṃ 2. Kuṭikāya sunimmitaṃ, machasaṃ 3. Sahassakaṇḍo satabheṇḍu dhajāluharitāmayo, simu 4. Sarisapā, machasaṃ 5. Na pāpasupinasasāni, machasaṃ.
[BJT Page 490] [\x 490/]
3019. Ekanavute ito kappe yaṃ kammamakariṃ
tadā,
Duggatiṃ nābhijānāmi
tiṇakuṭikāyi’daṃ phalaṃ.
3020. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
tiṇakuṭidāyako thero imā gathāyo abhāsitthāti.
- Tiṇaduṭidāyakattherassa
apadānaṃ sattamaṃ. -
[PTS Page 272] [\q 272/]
338. Uttareyyadāyakattherāpadānaṃ.
3021. Nagare haṃsavatiyā ahosiṃ
brāhmaṇo tadā,
Ajjhāyako mantadharo tiṇṇaṃ
vedāna pāragu.
3022. Purakkhato sasissehi jātimā
ca susikkhito,
Toyābhisevanatthāya nagarā
nikkhamiṃ tadā.
3023. Padumuttaro nāma jino sabbadhammāna
pāragu,
Khiṇāsavasahassehi nagaraṃ
pāvisi jino.
3024. Suvārurūpaṃ disvāna
anejakāritaṃ1- viya,
Parivutamarahantehi disvā cittaṃ
pasādayiṃ.
3025. Sirasi2- añjaliṃ katvā
namassitvāna subbataṃ,
Pasannacitto sumano uttariyamadāsahaṃ.
3026. Ubho satthehi paggayha sāṭakaṃ
ukkhipiṃ ahaṃ,
Yāvatā buddhaparisā tāva
chādesi pāṭako.
3027. Piṇḍacāraṃ carantassa
mahābhikkhugaṇādino,
Chadaṃ karonto aṭṭāsi
hāsayanto mamaṃ tadā.
3028. Gharato nikkhamantassa sayambhu aggapuggalo,
Vithiyaṃva ṭhito satthā
akā me3- anumodanaṃ.
3029. "Pasannacitto sumano yo me pādāsi
sāṭakaṃ,
Tamahaṃ kittayissāmi suṇotha
mama bhāsato.
3030. Tiṃsakappasahassāni devaloke
ramisasti,
Paññāsakkhattuṃ devindo
devarajjaṃ karissati.
3031. Devaloke vasantassa puññakammasamaṅgino,
Samantā yojanasataṃ dusasacchannaṃ
bhavissati.
3032. Chattiṃsakkhatatuṃ rājā
ca cakkavatti bhavissati,
Padesarajjaṃ vipulaṃ gaṇanāto
asaṃkhiyaṃ.
1. Aneñajakāritaṃ, machasaṃ 2. Sirasmiṃ, machasaṃ 3. Akāsi anumodanaṃ, syā
[BJT Page 492] [\x 492/]
3033. Bhave saṃsaramānassa puññakammasamaṅgino,
Manasā patthitaṃ sabbaṃ nibbattissati
tāvade.
3034. Koseyyakambaliyāni khomakappāyikāni
ca,
Mahagghāni ca dussāni paṭilacchatayaṃ
naro1-
[PTS Page 273] [\q 273/]
3035. Manasā patthitaṃ sabbaṃ
paṭilacchatayaṃ naro,
Ekadussassa vipākaṃ anubhossati
sabbadā.
3036. So pacchā pabbajitvāna sukkamūlena
codito,
Gotamassa bhagavato dhammaṃ sacchikarissati"
3037. Aho me sukataṃ kammaṃ sabbaññussa
mahesino,
Ekāhaṃ sāṭakaṃ
datvā pattomhi amataṃ padaṃ.
3038. Maṇḍapepa rukkhamule vā
vasato suññake ghare,
Dhāreti dussachadanaṃ samantā
vyāmato mama.
3039. Aviññattaṃ nivāsemi
cīvaraṃ paccayañca’haṃ,
Pābhi2- antassa pānassa uttareyyasasidaṃ
phalaṃ
3040. Sattahasse ito kappe yaṃ kammamakariṃ
tadā,
Duggatiṃ nābhijānāmi
vanthadānassidaṃ phalaṃ.
3041. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
uttareyyadāyako thero imā gathāyo abhāsitthāti.
- Uttareyyadāyakattherassa apadānaṃ
aṭṭhamaṃ. -
339. Dhammasavaṇiyattherāpadānaṃ.
3042. Padumuttaro nāma jino sabbadhammāna
pāragu,
Catusaccaṃ pakāsento santāresi
bahuṃ janaṃ.
3043. Ahaṃ tena samayena jaṭilo
uggatāpano,
Dhunanto vākacirāni gacchāmi
ambare tadā.
3044. Buddhaseṭṭhassa upari gantuṃ
na visahāmahaṃ,
Pakkhiva selamāsajja3- gamanaṃ
nālabhiṃ4- tadā,
3045. Na me idaṃ bhūtapubbaṃ
iriyassa vikopanaṃ,
Dake yathā ummujjitvā evaṃ
gacchāmi ambare.
1. Paṭilacchatiyaṃ naro, machasaṃ 2. Lābhimhi, syā 3. Selamāpajja, 4. Na labhāmahaṃ, machasaṃ
[BJT Page 494] [\x 494/]
[PTS Page 274] [\q 274/]
3046. Uḷārabhuto manujo heṭṭhāsino
bhavissati,
Handamenaṃ gavesissaṃ api atthaṃ
labheyyahaṃ.
3047. Orohanto antalikkhā sadadamassosiṃ
satthuno,
Aniccataṃ kathentassa tamahaṃ uggahiṃ
tadā.
3048. Aniccasaññamuggayha agamāsiṃ
mamassamaṃ,
Yāvatāyuṃ vasitvāna
tattha kālakato ahaṃ.
3049. Carime catatamānambhi taṃ
dhammasamaṇaṃ sariṃ,
Tena kammena sukatte tāvatiṃsamagacchahaṃ.
3050. Tiṃsakappasahassāni devaloke
ramiṃ ahaṃ,
Ekapaññāyakkhattañca
devarajjamakārayiṃ.
3051. Ekasattakikkhattuñca cakkavatti
ahosahaṃ,
Padesarajjaṃ vipulaṃ gaṇanāto
asaṅkhiyaṃ.
3052. Pitu gehe1- nisīditvā samaṇo
bhāvitindriyo,
Gāthāya paridīpento aniccatamudāhari2,
3053. Anussarāmi taṃ saññaṃ
saṃsaranto bhavābhave,
Na koṭiṃ paṭivijjhāmi
nibbāṇaṃ accutaṃ padaṃ.
3054. Aniccā vata saṅkhārā
uppādavayadhammino,
Uppajjatvā nirujjhanti tesaṃ vupasāmo
sukho.
3055. Saha gāthaṃ suṇitvāna
pubbakammaṃ anussariṃ,
Ekāsane nisīditvā arahattamapāpuṇiṃ.
3056. Jātiyā sattavassohaṃ
arahattamapāpuṇiṃ,
Upasampādayī buddho guṇamaññāya
cakkhumā.
3057. Dārakova ahaṃ santo karaṇiyaṃ
samāpayiṃ,
Kiṃ me karaṇiyaṃ3- ajja sakyaputatassa
sāsane.
3058. Satasahasse ito kappe yaṃ kammamakariṃ
tadā,
Duggatiṃ nābhijānāmi
saddhammasamaṇe phalaṃ.
3059. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
dhammasavaṇiyo thero imā gathāyo abhāsitthāti.
- Dhammasavaṇiyattherassa apadānaṃ
navamaṃ. -
1. Ghare, simu 2. Aniccavatthudāhari, syā 3. Karaṇiyaṃ, machasaṃ
[BJT Page 496] [\x 496/]
[PTS Page 275] [\q 275/]
340. Ukkhittapadumiyattherāpadānaṃ.
3060. Nagare haṃsavatiyā ahosiṃ
māliko tadā,
Ogāhitvā1- padumasaraṃ satapatte2-
ocināmahaṃ.
3061. Padumuttaro nāma jino sabbadhammāna
pāragu,
Saha satasahassehi santacittehi tādihi.
3062. Khiṇāsavehi suddhehi chaḷabhiññehi
so tadā3,
Mama vuddhiṃ samatvesaṃ āgacchi
mama santike4-
3063. Disvānahaṃ devadevaṃ
sayambhuṃ lokanāyakaṃ,
Maṇṭe chetvā satapattaṃ
ukkhipiṃ ambare tadā.
3064. Yadi buddho tuvaṃ vīra lokajeṭṭho
narāsabho,
Sayaṃ gantvā satapattā matthake
dhārayantu te.
3065. Adhiṭṭhahi mahāvīro
lokejeṭṭho narasabho,
Buddhasa ānubhāvena matthake
dhārayiṃsu te.
3066. Tena kammena sukatena cetanāpaṇidhīhi
ca,
Jahitvā mānusaṃ deṃ
tāvatiṃsamagacchahaṃ,
3067. Tassa me sukataṃ vyamhaṃ satapattanti
vuccati,
Saṭṭhiyojanamubbedhaṃ tiṃsayojanavitthataṃ.
3068. Sahassakkhattuṃ devindo devarajjaṃ
akārayiṃ,
Pañcasattatikkhattuñca cakkavatti
ahosahaṃ.
3069. Padesarajjaṃ vipulaṃ gaṇanāto
asaṃkhiyaṃ,
Anubhomi sakaṃ kammaṃ pubbe sukatamattano.
3070. Tenevekapadumena anubhotvāna sampadā,
Gotamassa bhagavato dhammaṃ sacchikariṃ
ahaṃ.
3071. Kilosā jhāpitā mayhaṃ
bhavā sabbe samuhatā,
Nāgova bandhanaṃ chetvā
viharāmi anāsavo.
3072. Satasahasse ito kappe yaṃ pupphamabhipūjayiṃ,
Duggatiṃ nābhijānāmi
ekapadumassidaṃ phalaṃ.
[PTS Page 276] [\q 276/]
3073. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
ukkhittapadumiyo thero imā gathāyo abhāsitthāti.
- Ukkhittapadumiyattherassa apadānaṃ
dasamaṃ. -
1. Ogāhetvā, machasaṃ
2. Satapantaṃ, machasaṃ
3. Chaḷabhiññehi jhāyihi,
machasaṃ
4. Santikaṃ, machasaṃ
[BJT Page 498] [\x 498/]
Uddānaṃ:
Gandhadhupo ca udakaṃ1- punnāgaekadusasiko,
Phusito ca pabhaṅkaro kuṭido uttariyako.
Savaṇi ekapadumi gāthāyo
tattha piṇḍitā,
Ekaṃ gāthāyatañceca
catutāḷisameva ca.
- Gandhadhupiyavaggo2- catuttiṃsatimo.
-