[CPD Classification 2.5.13]
[PTS Vol Ap 1 ] [\z Ap /] [\f Ia /]
[BJT Vol Ap 1 ] [\z Ap /] [\w Ia /]
[BJT Page 498] [\x 498/]
[PTS Page 276] [\q 276/]
Suttapiṭake khuddakanikāye
Apadānapāḷi.
Paṭhamo bhago
Namo tassa bhagavato arahato sammāsambuddhassa.
Ekapadumiyavaggo
341. Ekapadumiyattherāpadānaṃ.
3074. Padumuttaro nāma jino sabbadhammāna
pāragu,
Bhavābhave vibhāvento tāresi
janataṃ bahuṃ.
3075. Haṃsarājā tadā
homi dijānaṃ pavaro ahaṃ,
Jātassaraṃ samogayha kiḷāmi
haṃsakiḷitaṃ.
3076. Padumuttaro lokavidu āhutinaṃ
paṭiggaho,
Jātassarassa upari āgacchi tāvado
jano.
3077. Disvānahaṃ devadevaṃ
sayambhuṃ lokanāyakaṃ,
Vaṇṭe chetvāna padumaṃ
satapattaṃ manoramaṃ.
3078. Mukhatuṇḍena paggayha pasanno
lokanāyake,
Ukkhipitvāna gagane buddhaseṭṭhamapujayiṃ.
3079. Padumuttaro lokavidu āhutinaṃ
paṭiggaho,
Antalikkhe ṭhito satthā akā
me anumodānaṃ:
3080. "Iminā ekapadumena cetanāpaṇidhīhi
ca,
Kappānaṃ satasahassaṃ vinipātaṃ
na gacchasi"
3081. Idaṃ vavona sambuddho japajuttamanāmako,
Mama kammaṃ pakittetvā agamā
yena patthitaṃ.
[PTS Page 277] [\q 277/]
3082. Satasahasse ito kappe yaṃ kammamakariṃ
tadā,
Duggatiṃ nābhijānāmi
buddhapūjāyidaṃ phalaṃ.
3083. Paṭisambhidā catasso vimokkhāpi
ca aṭṭhime,
Chaḷabhiṭñā sacchikatā
kataṃ buddhassa sāsanaṃ
Itthaṃ sudaṃ āyasmā
ekapadumiyo thero imā gathāyo abhāsitthāti.
- Ekadumiyattherassa apadānaṃ paṭhamaṃ.
-
1. Gandhokapujani ca, [PTS] se 2. Gandhodakavaggo, [PTS] ma se
[BJT Page 500] [\x 500/]
342. Tiuppalamāliyattherāpadānaṃ. *
3084. Candabhāgānaditire ahosiṃ
vānaro tadā,
Addasaṃ virajaṃ buddhaṃ nisinnaṃ
pabbatantare.
3085. Obhāsentaṃ disā sabbā
sālarājaṃva phullitaṃ,
Lakkhaṇabyaṭajanupetaṃ disvā
attamano ahuṃ.
3086. Udaggacitto sumano pitiyā haṭṭhamānaso,
Tīṇi uppalapupphāni matthake
abhiropayiṃ.
3087. Pupphāni abhiropetvā vipassissa
mahesino,
Sagāravo gavitvāna1- pakkamiṃ2-
uttarāmukho.
3088. Gacchanto patikuṭiko vippasannena
cetasā,
Selannare patitvāna3- pāpuṇiṃ
jīvitakkhayaṃ.
3089. Tena kammena sukatena cetanāpaṇidhīhi
ca,
Jahitvā mānusaṃ dehaṃ
tāvatiṃsaṃ agacchahaṃ.
3090. Satānaṃ tīṇikkhattuṭca
devarajjamakārayiṃ,
Tatānaṃ paṭcakkhattuñca
cakkavattī ahosahaṃ.
3091. Ekanavute ito kappe yaṃ pupphamabhipūjayiṃ,
Duggatiṃ nābhijānāmi
buddhapūjāyidaṃ phalaṃ.
3092. Paṭisambhidā catasso vimokkhāpi
ca aṭṭhime,
Chaḷabhiṭñā sacchikatā
kataṃ buddhassa sāsanaṃ
Itthaṃ sudaṃ āyasmā
tiuppalamāliyo thero imā gathāyo abhāsitthāti.
- Tiuppalamāliyattherassa apadānaṃ
dutiyaṃ. -
343. Dhajadāyakattherāpadānaṃ.
3093. Tisso nāma ahu satthā lokajeṭṭho
narāsabho,
Tassopadhikkhaye disvā dhajamāropitaṃ
mayā.
3094. Tena kammena sukatena cetatāpaṇidhihi
ca,
Jahitvā mānusaṃ dehaṃ
tāvatiṃsamagacchahaṃ.
[PTS Page 278] [\q 278/]
3095. Satānaṃ tīṇikkhattuṭca
devarajjamakārayiṃ,
Satānaṃ paṭcakkhattuñca
cakkavatti ahosahaṃ.
*. Tiṇuppalamāliyattherāpaadānaṃ, machasaṃ 1. Bhavitvāna, machasaṃ 2. Pakkāmiṃ, machasaṃ 3. Papatitvā, syā
[BJT Page 502] [\x 502/]
3096. Padesarajjaṃ vipulaṃ gaṇanāto
asaṅkhiyaṃ,
Anubhomi sakaṃ kammaṃ pubbe sukatamattano.
3097. Dvenanute ito kappe yaṃ kammamakariṃ
tadā,
Duggatiṃ nābhijānāmi
dhajadānassidaṃ phalaṃ.
3098. Icchamāno’vahaṃ ajja sakānanaṃ
sapabbataṃ,
Khomadussena chādeyyaṃ tadā
mayhaṃ kate phalaṃ.
3099. Paṭisambhidā catasso vimokkhāpi
ca aṭṭhime,
Chaḷabhiṭñā sacchikatā
kataṃ buddhassa sāsanaṃ
Itthaṃ sudaṃ āyasmā
dhajadāyako thero imā gathāyo abhāsitthāti.
- Dhajadāyakattherassa apadānaṃ
tatiyaṃ. -
344. Tikiṅkiṇipujakattherāpadānaṃ.
3100. Hivamantassāvidure bhūtagaṇo
nāma pabbato,
Tatthadadasaṃ paṃsukūlaṃ
dumaggamhi vilaggitaṃ.
3101. Tīṇi kiṅkiṇupupphāni
ocinitvā ahaṃ tadā,
Haṭṭho haṭṭhena
cittena paṃsukulamapujayiṃ.
3102. Ekatiṃse ito kappe yaṃ kammamakariṃ
tadā,
Duggatiṃ nābhijānāmi
tiṇṇaṃ pupphānidaṃ phalaṃ.
3103. Paṭisambhidā catasso vimokkhāpi
ca aṭṭhime,
Chaḷabhiṭñā sacchikatā
kataṃ buddhassa sāsanaṃ
Itthaṃ sudaṃ āyasmā
tikiṅkiṇipujako thero imā gathāyo abhāsitthāti.
- Tikiṅkiṇipujakattherassa apadānaṃ
catutthaṃ. -
345. Naḷāgārikattherāpadānaṃ.
3104. Himavantassa avidūre hārito
nāma pabbato,
Sayambhu nārado rukkhamule visi tadā
3105. Naḷāgāraṃ karitvāna
tiṇena chādayiṃ ahaṃ,
Caṅkamaṃ sodhayitvāna sayambhussa
adāsahaṃ.
3106. Catuddasasu kappesu devaloke ramiṃ
ahaṃ,
Catusattatikkhattuṭca devarajjamakārayiṃ.
[BJT Page 504] [\x 504/]
[PTS Page 279] [\q 279/]
3107. Sattasattatikkhattuṭca1- cakkavatti
ahosahaṃ,
Padesarajjaṃ vipulaṃ gaṇanāto
asaṅkhiyaṃ.
3108. Ubbiddhaṃ bhavanaṃ mayhaṃ
indalaṭṭiva uggataṃ,
Sahassathambhaṃ atulaṃ vimānaṃ
sapabhasasaraṃ.
3109. Dve sampatti anubhotvā sukkamūlena
codito,
Gotamassa bhagavato sāsane pabbajiṃ
ahaṃ.
3110. Padhānapabhitattomhi upasanto nirūpadhi,
Nāgova bandhanaṃ chetvā
viharāmi anāsavo.
3111. Paṭisambhidā catasso vimokkhāpi
ca aṭṭhime,
Chaḷabhiṭñā sacchikatā
kataṃ buddhassa sāsanaṃ
Itthaṃ sudaṃ āyasmā
nāḷāgāriko thero imā gathāyo abhāsitthāti.
- Nāḷāgārikattherassa
apadānaṃ paṭcamaṃ. -
346. Campakapupphiyattherāpadānaṃ.
3112. Himavantassa avidūre cāpalo2-
nāma pabbato,
Buddho sudassano nāma vihāsi
pabbatantare.
3113. Pupphaṃ hevamataṃ3- gayha gacchaṃ
vehāsenahaṃ,
Addasaṃ virajaṃ buddhaṃ oghatiṇṇamanāsavaṃ.
3114. Satta campakapupphāni sīse
katvānahaṃ tadā,
Buddhassa abhiropesiṃ sayambhussa mahesino.
3115. Ekatiṃse ito kappe yaṃ pupphamabhipūjayiṃ,
4-
Duggatiṃ nābhijānāmi
buddhapūjāyidaṃ phalaṃ.
3116. Paṭisambhidā catasso vimokkhāpi
ca aṭṭhime,
Chaḷabhiṭñā sacchikatā
kataṃ buddhassa sāsanaṃ
Itthaṃ sudaṃ āyasmā
campakapupphiyo thero imā gathāyo abhāsitthāti.
- Campakapupphiyattherassa apadānaṃ
chaṭṭhaṃ. -
347. Padumapujakattherāpadānaṃ.
3117. Himavantassa avidūre romaso nāma
pabbato,
Buddhopi samanave nāma abbhokāse
vasi tadā.
3118. Bhavanā nikkhamitvāna padumaṃ
dhārayiṃ ahaṃ,
Ekāhaṃ dhārayitvāna
puna bhavanamupāgamiṃ.
1. Catusattatatikkhattuṭca, machasaṃ
2. Chāpalo, syā jāpalo, machasaṃ
3. Hemavantaṃ, machasaṃ 4. Pupphamabhiropayiṃ,
machasaṃ
[BJT Page 506] [\x 506/]
[PTS Page 280] [\q 280/]
3119. Ekanavute ito kappe yaṃ pupphamabhipūjayiṃ,
Duggatiṃ nābhijānāmi
buddhapūjāyidaṃ phalaṃ.
3120. Paṭisambhidā catasso vimokkhāpi
ca aṭṭhime,
Chaḷabhiṭñā sacchikatā
kataṃ buddhassa sāsanaṃ
Itthaṃ sudaṃ āyasmā
padumapujako thero imā gathāyo abhāsitthāti.
- Padumapujakattherassa apadānaṃ
sattamaṃ. -
348. Tiṇamuṭṭhidāyakattherāpadānaṃ.
3121. Himavantassa avidūre lambako nāma
pabbato,
Upatisso nāma sambuddho abbhokāsamhi
caṅkami.
3122. Migaluddo tadā āsiṃ
araṭñe kānane ahaṃ,
Disvāna taṃ devadevaṃ sayambhuṃ
aparājitaṃ.
3123. Vippasannena cittena tadā tadada
mahesino,
Nisidanatthaṃ buddhassa tiṇamuṭṭhimadāsahaṃ.
3124. Datvāna devadevassa bhiyyo cittaṃ
pasādayiṃ,
Sambuddhamabhivādetvā sakkāmiṃ
uttarāmukho.
3125. Aciraṃ gatamattaṃ maṃ migarājā
aheṭhayī1,
Sihena pātito2- santo tattha kālakato
ahaṃ.
3126. Āsanne me kataṃ kammaṃ
buddhaseṭṭhe anāsave,
Sumutto saravegova devalokamagacchahaṃ.
3127. Yupo tattha subho āsi puṭñakammābhinimmito,
Sahassakaṇḍo satabheṇḍu
dhajālu haritāmayo.
3128. Pabhā niddhāvate tassa sataraṃsiva
uggato,
Ākiṇṇo devakaṭñābhi
āmodiṃ kāmakāmahaṃ.
3129. Devalokā cavitvāna sukkamūlena
codito,
Āgantvāna manussattaṃ pattomhi
āsavakkhayaṃ.
3130. Catunavute ito kappe nisidanamadāsahaṃ,
Duggatiṃ nābhijānāmi
tiṇamuṭṭhisasidaṃ phalaṃ.
3131. Paṭisambhidā catasso vimokkhāpi
ca aṭṭhime,
Chaḷabhiṭñā sacchikatā
kataṃ buddhassa sāsanaṃ
Itthaṃ sudaṃ āyasmā
tiṇamuṭṭhidāyako thero imā gathāyo
abhāsitthāti.
- Tiṇamuṭṭhidāyakattherassa
apadānaṃ aṭṭhamaṃ. -
1. Apothayi, machasaṃ 2. Pothito, machasaṃ
[BJT Page 508] [\x 508/]
[PTS Page 281] [\q 281/]
349. Tindukaphaladāyakattherāpadānaṃ.
3132. Kaṇikāraṃva jotantaṃ
nisinnaṃ pabbatantare,
Addasaṃ virajaṃ buddhaṃ oghatiṇṇamanāsavaṃ.
3133. Tindukaṃ saphalaṃ disvā
bhinditvāna sakeṭakaṃ, 1-
Pasannacitto sumano vessabhussa adāsahaṃ.
3134. Ekanavute ito kappe yaṃ phalamadadiṃ
tadā,
Duggatiṃ nābhijānāmi
phaladānassidaṃ phalaṃ.
3135. Paṭisambhidā catasso vimokkhāpi
ca aṭṭhime,
Chaḷabhiṭñā sacchikatā
kataṃ buddhassa sāsanaṃ
Itthaṃ sudaṃ āyasmā
tindukaphaladāyako thero imā gathāyo abhāsitthāti.
- Tindukaphaladāyakattherassa apadānaṃ
navamaṃ. -
350. Ekaṭajaliyattherāpadānaṃ
3136. Revato2- nāma sambuddho nadikule
vasī tadā,
Addasaṃ virajaṃ buddhaṃ pitaraṃsiṃva
bhānumaṃ.
3137. Ukkāmukhapahaṭṭhaṃva
khadiraṅgārasannibhaṃ,
Osadhiṃva virocantaṃ ekaṭajalimakāsabhaṃ.
3138. Catunavute ito kappe yamaṭajalimakāsahaṃ,
Duggatiṃ nābhijānāmi
aṭajaliyā idaṃ phalaṃ.
3139. Paṭisambhidā catasso vimokkhāpi
ca aṭṭhime,
Chaḷabhiṭñā sacchikatā
kataṃ buddhassa sāsanaṃ
Itthaṃ sudaṃ āyasmā
ekaṭajaliyo thero imā gathāyo abhāsitthāti.
- Ekaṭajaliyattherassa apadānaṃ
dasamaṃ. -
Uddānaṃ:
Padumi uppalamāli dhajo niṅkiṇiko
nāḷo
Campako padumo muṭṭi tindukakeṭajali
tathā
Cha ca saṭṭhi ca gāthāyo
gaṇitāyo vibhāvihi.
- Ekapadumiyavaggo paṭcatiṃsatimo.
1. Sakosakaṃ, machasaṃ
2. Romaso, machasaṃ