[CPD Classification
2.5.13]
[PTS Vol Ap 1 ] [\z Ap /] [\f Ia /]
[BJT Vol Ap 1 ] [\z Ap /] [\w Ia /]
[BJT Page 518] [\x 518/]
[PTS Page 286] [\q 286/]
Suttapiṭake khuddakanikāye
Apadānapāḷi.
Namo tassa bhagavato arahato sammāsambuddhassa.
Mandāravapupphiyavaggo
361. Mandāravapupphiyattherāpadānaṃ.
3180. Tāvatiṃsā idhāgantvā
maṅgalo nāma māṇavo,
Mandāravaṃ gahetvāna vipassissa
mahesino.
3181. Samādhināna nisinnassa matthake
dhārayiṃ ahaṃ,
Sattāhaṃ dhārayivona devalokaṃ
punāgamiṃ.
3182. Ekanavute ito kappe yaṃ pupphamabhipūjayiṃ,
Duggatiṃ nābhijānāmi
buddhapūjāyidaṃ phalaṃ.
3183. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
mandāravapupphiyo thero imā gathāyo abhāsitthāti.
- Mandāravapupphiyattherassa apadānaṃ
paṭhamaṃ. -
362. Kakkārupupphiyattherāpadānaṃ.
3184. Yāmā devā idhāgantvā
gotamaṃ sirivacchasaṃ,
Kakkārupupphaṃ1- paggayha buddhassa
abhiropayiṃ.
3185. Dvenavute ito kappe yaṃ buddhamabhipujayiṃ,
Duggatiṃ nābhijānāmi
buddhapūjāyidaṃ phalaṃ.
3186. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
kakkārupupphiyo thero imā gathāyo abhāsitthāti.
- Kakkārupuppiyattherassa apadānaṃ
dutiyaṃ. -
363. Bhisamuḷāladāyakattharāpadānaṃ.
3187. Phusso nāmāsi sambuddho
sabbadhammānapāragu,
Vivekakāmo sappañño āgacchi
mama santike.
3188. Tasmiṃ cittaṃ pasādetvā
mahākāruṇike jite,
Bhisaṃ muḷālaṃ paggayha
buddhaseṭṭhassadāsahaṃ.
1. Kakkārumālaṃ, machasaṃ
[BJT Page 520] [\x 520/]
[PTS Page 287] [\q 287/]
3189. Dvenavute ito kappe yaṃ bhisamadadiṃ
tadā,
Duggatiṃ nābhijānāmi
bhisadānassidaṃ phalaṃ.
3190. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
bhisamuḷāladāyako thero imā gathāyo abhāsitthāti.
- Bhisamuḷāladāyakattherassa
apadānaṃ tatiyaṃ. -
364. Kesarapupphiyattherāpadānaṃ. *
3191. Vijjādharo tadā asiṃ
himavattambhi pabbate,
Addasaṃ virajaṃ buddhaṃ caṅkamantaṃ
mahāyasaṃ.
3192. Tīṇi kesaripupphāni1-
sise katvānahaṃ tadā,
Upasaṅkamma sambuddhaṃ vessabhuṃ
abhipujayiṃ.
3193. Ekatise ito kappe yaṃ kammamakariṃ
tadā,
Duggatiṃ nābhijānāmi
buddhapūjāyidaṃ phalaṃ.
3194. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
kesarapupphiyo2- thero imā gathāyo abhāsitthāti.
- Kesarapupphiyattherassa apadānaṃ
catutthaṃ. -
365. Aṅkolapupphiyattherāpadānaṃ.
3195. Padumo nāma sambuddho cittakūṭe
vasi tadā,
Disvāna tamahaṃ buddhaṃ sayambhuṃ
aparājitaṃ3-
3196. Aṅkolaṃ pupphitaṃ disvā
ocinitvānahaṃ tadā,
Upagantvāna sambuddhaṃ pujesiṃ
padumaṃ jinaṃ.
3197. Ekatiṃse ito kappe yaṃ pupphamabhipūjayiṃ,
Duggatiṃ nābhijānāmi
buddhapūjāyidaṃ phalaṃ.
3198. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
aṅkolapupphiyo thero imā gathāyo abhāsitthāti.
- Aṅkolapupphiyattherassa apadānaṃ
pañcamaṃ. -
1. Kesaripupphāni, simu 2. Kesaripupphiyo, simu 3. Upagacchahaṃ, simu *kesaripupphiyattherāapadāna, simu.
[BJT Page 522] [\x 522/]
366. Kadambapupphiyattherāpadānaṃ.
3199. Suvaṇṇavaṇṇaṃ
sambuddhaṃ gacchantaṃ antarāpaṇe,
Kañcanagaghiyasaṅkāsaṃ
khattiṃsavaralakkhaṇaṃ.
3200. Nisajja pāsādavare addasaṃ
lokanāyakaṃ,
Kadambapupphaṃ paggayha vipassiṃ
abhipujayiṃ.
[PTS Page 288] [\q 288/]
3201. Ekanavute ito kappe yaṃ pupphamabhipūjayiṃ,
Duggatiṃ nābhijānāmi
buddhapūjāyidaṃ phalaṃ.
3202. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
kadambapupphiyo thero imā gathāyo abhāsitthāti.
- Kadambapupphiyattherassa apadānaṃ
chaṭṭhaṃ. -
367. Uddālapupaphiyattherāpadānaṃ.
3203. Anomo1- nāma sambuddho gaṅgākule
vasī tadā,
Uddālakaṃ gahetvāna pujayiṃ
aparājitaṃ.
3204. Ekatiṃse ito kappe yaṃ pupphamabhipūjayiṃ,
Duggatiṃ nābhijānāmi
buddhapūjāyidaṃ phalaṃ.
3205. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
uddālapupphiyo thero imā gathāyo abhāsitthāti.
- Uddālapupphiyattherassa apadānaṃ
sattamaṃ. -
368. Ekacampakapupphiyattherāpadānaṃ
3206. Upasanto ca sambuddho vati pabbatantare,
Ekaṃ campakamādāya2- upagacchiṃ
naruttamaṃ.
3207. Pasannacitto sumano paccekamunimuttamaṃ,
Ubhohatthehi paggayha pujayiṃ aparājitaṃ.
3308. Ekatiṃse ito kappe yaṃ pupphamabhipūjayiṃ,
Duggatiṃ nābhijānāmi
buddhapūjāyidaṃ phalaṃ.
3309. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
ekacampakapupphiyo thero imā gathāyo abhāsitthāti.
- Ekacampakapupphiyattherassa apadānaṃ
aṭṭhamaṃ. -
1. Sujāto, syā 2. Ekacampakamādāya, machasaṃ
[BJT Page 524] [\x 524/]
369. Timirapupphiyattherāpadānaṃ.
3210. Candabhāgānaditire anusotaṃ
cajāmahaṃ,
Addasaṃ virajaṃ buddhaṃ sālarāpaṃva
phullitaṃ.
[PTS Page 289] [\q 289/]
3211. Pasannacitto sumano paccekamunimuttamaṃ,
Gahetvā timiraṃ pupphaṃ matthake
okiriṃ ahaṃ.
3212. Ekanavute ito kappe yaṃ pupphamabhipūjayiṃ,
Duggatiṃ nābhijānāmi
buddhapujayidaṃ phalaṃ.
3213. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
timirapupaphiyo thero imā gathāyo abhāsitthāti.
- Timirapupphiyattherassa apadānaṃ
navamaṃ. -
370. Salalapupphiyattherāpadānaṃ.
3214. Candabhāgānaditire ahosiṃ
kintaro tadā,
Tatthaddasaṃ devadevaṃ caṅkamantaṃ
narāsabhaṃ.
3215. Ocinitvāna salaṃ pupphaṃ
buddhassa’dāsahaṃ,
Upasiṅghi mahāviru salalaṃ
devagandhikaṃ.
3216. Paṭiggahetvā sambuddho vipassi
lokanāyako,
Upasiṅghi mahāvīro pekkhamānassa
me sato.
3217. Pasantacitto sumano vanditvā dipaduttamaṃ,
Añajalimpaggahetvāna puna pabbatamāruhiṃ.
3218. Ekanavute ito kappe yaṃ pupphamabhipūjayiṃ,
Duggatiṃ nābhijānāmi
buddhapūjāyidaṃ phalaṃ.
3219. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
salalapupphiyo thero imā gathāyo abhāsitthāti.
- Sallapupphiyattherassa apadānaṃ
dasamaṃ. -
Uddānaṃ:
Mandāravañca kakkāru bhisa
kesarapupphiyo
Aṅkolako kadamabi ca uddāla ekacampako
Timiraṃ salalañceva gāthā
tāḷisa evaṃ ca.
- Mandāravapupphiyavaggo sattatiṃsatimo.
-