[CPD Classification
2.5.13]
[PTS Vol Ap 1 ] [\z Ap /] [\f Ia /]
[BJT Vol Ap 1 ] [\z Ap /] [\w Ia /]
[BJT Page 536] [\x 536/]
[PTS Page 294] [\q 294/]
Suttapiṭake khuddakanikāye
Apadānapāḷi.
Namo tassa bhagavato arahato sammāsambuddhassa.
Avaṇṭaphalavaggo
381. Avaṇaṭaphaladāyakattherāpadānaṃ.
3278. Sataraṃsi nāma bhagavā
sayambhu aparājino,
Vivekakāmo sambuddho gocarāyā’bhinikkhami.
3279. Phalahattho ahaṃ disvā upagacchiṃ
narāsabhaṃ,
Pasannacittā sumano avaṇṭaṃ
adadiṃ phalaṃ.
3280. Catunavute ito kappe yaṃ phalamadadiṃ
ahaṃ,
Duggatiṃ nābhijānāmi
phaladānassidaṃ phalaṃ.
3281. Svāgataṃ vata me āsi
buddhaseṭṭhassa santike,
Tisso vijjā anuppattā kataṃ
buddhassa sāsanaṃ.
3282. Kilesā jhāpitā mayhaṃ
bhavā sabbe samuhatā,
Nāgova bandhanaṃ chetvā
viharāmi anāsavo.
[PTS Page 295] [\q 295/]
3283. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
avaṇaṭaphaladāyako thero imā gathāyo
abhāsitthāti.
- Avaṇaṭaphaladāyakattherassa
apadānaṃ paṭhamaṃ. -
[BJT Page 538] [\x 538/]
382. Labujadāyakattherāpadānaṃ.
3284. Nagare bandhumatiyā āsiṃ
ārāmiko tadā,
Addasaṃ virajaṃ buddhaṃ gacchantaṃ
anilañajase.
3285. Labujassa phalaṃ gayha buddhaseṭṭhadhammasukhāvahaṃ,
Ākase ṭhitako santo paṭigaṇhi
mahāyaso.
3286. Vittisañajananaṃ mayhaṃ
diṭṭhadhammasukhāvahaṃ,
Phalaṃ buddhassa datvāna vippasannena
cetasā.
3287. Adhigacchiṃ tadā pitiṃ
vipulañca sukhuttamaṃ,
Uppajjateva ratanaṃ nibbattassa tahiṃ
tahiṃ.
3288. Ekanavute ito kappe yaṃ phalamadadiṃ
tadā,
Duggatiṃ nābhijānāmi
phaladānassida- phalaṃ.
3289. Svāgataṃ vata me āsi
buddhaseṭṭhassa santike,
Tisso vijjā anuppattā kataṃ
buddhassa sāsanaṃ.
3290. Kilesā jhāpitā mayhaṃ
bhavā sabbe samuhatā,
Nāgova bandhanaṃ chetvā
viharāmi anāsavo.
3291. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
labujadāyako thero imā gathāyo abhāsitthāti.
- Labujadāyakatherassa apadānaṃ
dutiyaṃ. -
383. Udumbaraphaladāyakattherāpadānaṃ.
3292. Vinatānadiyā tīre
vihāsi purisuttamo,
Addasaṃ virajaṃ buddhaṃ ekaggaṃ
susamāhitaṃ.
3293. Tasmiṃ pasannamanaso kilesamaladhovane,
Udumbaraphalaṃ gayha buddhaseṭṭhassadāsahaṃ.
3294. Ekanavute ito kappe yaṃ phalamadadiṃ
tadā,
Duggatiṃ nābhijānāmi
phaladānassidaṃ phalaṃ.
3295. Svāgataṃ vata me āsi
buddhaseṭṭhassa santike,
Tisso vijjā anuppattā kataṃ
buddhassa sāsanaṃ.
[BJT Page 540] [\x 540/]
3296. Kilesā jhāpitā mayhaṃ
bhavā sabbe samuhatā,
Nāgova bandhanaṃ chetvā
viharāmi anāsavo.
3297. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
udumbaraphaladāyako thero imā gathāyo abhāsitthāti.
- Udumbaraphaladāyakattherassa apadānaṃ
tatiyaṃ. -
[PTS Page 296] [\q 296/]
3846. Pilakkhaphaladāyakattherāpadānaṃ.
3298. Vanante buddhaṃ disvāna atthadassiṃ
mahāyasaṃ,
Pasannacitto sumano pilakkhassa phalaṃ
adaṃ1-
3299. Aṭṭhārase kappasate
yaṃ phalaṃ adadiṃ tadā,
Duggatiṃ nābhijānāmi
phaladānassidaṃ phalaṃ.
3300. Svāgataṃ vata me āsi
buddhaseṭṭhassa santike,
Tisso vijjā anuppattā kataṃ
buddhassa sāsanaṃ.
3301. Kilesā jhāpitā mayhaṃ
bhavā sabbe samuhatā,
Nāgova bandhanaṃ chetvā
viharāmi anāsavo.
3302. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
pilakkhaphaladāyako thero imā gathāyo abhāsitthāti.
- Pilakkhaphaladāyakattherassa apadānaṃ
catutthaṃ. -
385. Phārusaphaladāyakattherāpadānaṃ.
3303. Suvaṇṇavaṇṇaṃ
sambuddhaṃ āhutinaṃ paṭiggahaṃ,
Rathiyaṃ paṭipajjantaṃ phārusaphalamadāsahaṃ.
3304. Ekanavute ito kappe yaṃ phalamadadiṃ
ahaṃ,
Duggatiṃ nābhijānāmi
phaladānassidaṃ phalaṃ.
3305. Svāgataṃ vata me āsi
buddhaseṭṭhassa santike,
Tisso vijjā anuppattā kataṃ
buddhassa sāsanaṃ.
1. Pilakkhassādadiṃ phalaṃ, machasaṃ *phārusadāyakattherāapadāna, machasaṃ
[BJT Page 542] [\x 542/]
3306. Kilesā jhāpitā mayhaṃ
bhavā sabbe samuhatā,
Nāgova bandhanaṃ chetvā
viharāmi anāsavo.
3307. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
phārusaphaladāyako thero imā gathāyo abhāsitthāti.
- Phārusaphaladāyakattherassa
apadānaṃ pañcamaṃ. -
386. Valliphaladāyakattherāpadānaṃ.
3308. Sabbe janā samāgamma agamiṃsu
vanaṃ tadā,
Phalamanvesamānā te alabhiṃsu
phalaṃ tadā.
3309. Tatthadadasāsiṃ sambuddhaṃ
sayambhuṃ aparājitaṃ,
Pasannacitto sumano valliphalamadāsahaṃ.
3310. Ekatiṃse ito kappe yaṃ palamadadiṃ
tadā,
Duggatiṃ nābhijānāmi
phaladānasasidaṃ phalaṃ.
3311. Svāgataṃ vata me āsi
buddhaseṭṭhassa santike,
Tisso vijjā anuppattā kataṃ
buddhassa sāsanaṃ.
3312. Kilesā jhāpitā mayhaṃ
bhavā sabbe samuhatā,
Nāgova bandhanaṃ chetvā
viharāmi anāsavo.
[PTS Page 297] [\q 297/]
3313. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
valaliphaladāyako thero imā gathāyo abhāsitthāti.
- Valaliphaladāyakattherassa apadānaṃ
chaṭṭhaṃ. -
387. Kadaliphaladāyakattherāpadānaṃ
3314. Kaṇikāraṃva jalitaṃ
puṇṇamāseva1- candimaṃ,
Jalantaṃ diparukkhaṃva addasaṃ
lokanāyakaṃ.
3315. Kadaliphalaṃ paggayha adāsiṃ
satthuno ahaṃ,
Pasannacitto sumano candivatvāna apakkamiṃ.
3316. Ekatiṃse ito kappe yaṃ phalaṃ
adadiṃ tadā,
Duggatiṃ nābhijānāmi
phaladānassidaṃ phalaṃ.
1. Puṇṇamāyeva, machasaṃ
[BJT Page 544] [\x 544/]
3317. Svāgataṃ vata me āsi
buddhaseṭṭhassa santike,
Tisso vijjā anuppattā kataṃ
buddhassa sāsanaṃ.
3318. Kilesā jhāpitā mayhaṃ
bhavā sabbe samuhatā,
Nāgova bandhanaṃ chetvā
viharāmi anāsavo.
3319. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
kadaliphaladāyako thero imā gathāyo abhāsitthāti.
- Kadaliphaladāyakattherassa apadānaṃ
sattamaṃ. -
388. Panasaphaladāyakattherāpadānaṃ.
3320. Ajjuno nāma sambuddho bhimavante
vasi tadā,
Caraṇena ca sampanno samādhikusalo
muni.
3321. Kumbhamattaṃ gahetvāna panasaṃ
jivajivakaṃ,
Chattapaṇṇe ṭhapetvāna
adāsiṃ satthuno ahaṃ.
3322. Ekanavute ito kappe yaṃ phalamadadiṃ
tadā,
Duggatiṃ nābhijānāmi
phaladānassidaṃ phalaṃ.
3323. Svāgataṃ vata me āsi
buddhaseṭṭhassa santike,
Tisso vijjā anuppattā kataṃ
buddhassa sāsanaṃ.
3324. Kilesā jhāpitā mayhaṃ
bhavā sabbe samuhatā,
Nāgova bandhanaṃ chetvā
viharāmi anāsavo.
3325. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
Itthaṃ sudaṃ āyasmā
panasaphaladāko thero imā gathāyo abhāsitthāti.
- Panasaphaladāyakattherassa apadānaṃ
aṭṭhamaṃ. -
[PTS Page 298] [\q 298/]
389. Soṇakoṭivisattherāpadānaṃ.
3326. Vipassino pāvacane ekaṃ leṇaṃ
mayā kataṃ,
Cātuddisassa saṅghassa bandhumārājadhāniyā.
3327. Dussehi bhumiṃ leṇassa santharitvā
pariccajiṃ,
Udaggacitto sumano akāsiṃ paṇidhiṃ
tadā.
[BJT Page 546] [\x 546/]
3328. Ārādhayeyyaṃ sambuddhaṃ
pabbajjañca labheyyahaṃ,
Anuttarañca nibbāṇaṃ
phuseyyaṃ santimuttamaṃ.
3329. Teneva sukkamūlena kappaṃ1-
navuti saṃsariṃ,
Devabhuto manusso vā katapuñño
virocahaṃ.
3330. Tato kammāvasesena idha pacchimake
bhave,
Campāyaṃ aggaseṭṭhissa
jātombhi ekaputtako.
3331. Jātamattassa me sutvā pitu
chando ayaṃ ahu,
Dadāmahaṃ kumārassa visakoṭi
anutakā.
3332. Caturaṅgulā ca me lomā
jātā pādatale ubho,
Sukhumā mudusamphassā tulapicusamā
subhā.
3333. Atitā navuti kappā ayamekova2-
uttari,
Nābhijānāmi nikkhitte
pāde bhumyā asanthate.
3334. Ārādhito me sambuddho pabbajiṃ
anagāriyaṃ,
Arahattañca me pattaṃ sitibhutombhi
nibbuto.
3335. Aggo āraddhaviriyānaṃ3-
nidadiṭṭho sabbadassinā,
Khiṇāsavo ca4- arahā chaḷabhiñño
mahiddhiko.
3336. Ekanavute ito kappe yaṃ dānamadadiṃ
tadā,
Duggatiṃ nābhijānāmi
lenadānassidaṃ phalaṃ.
3337. Svāgataṃ vata me āsi
buddhaseṭṭhassa santike,
Tisso vijjā anuppattā kataṃ
buddhassa sāsanaṃ.
3338. Kilesā jhāpitā mayhaṃ
bhavā sabbe samuhatā,
Nāgova bandhanaṃ chetvā
viharāmi anāsavo.
3339. Paṭisambhidā catasso vimokkhāpi
ca aṭṭhime,
Chaḷabhiññā sacchikatā
kataṃ buddhassa sāsanaṃ
3340. Thero koṭiviso5- soṇo bhikkhusaṅghassa
aggato,
Pañcahaṃ puṭṭho viyākāsi
anotatte mahāsareti.
Itthaṃ sudaṃ āyasmā
soṇo koṭiviso thero imā gathāyo abhāsitthāti.
- Soṇakoṭivisattherassa apadānaṃ
navamaṃ. -
1. Kappe, machasaṃ 2. Aayaṃ ekoca, machasaṃ 3. Āraddhaviriyānaṃ, machasaṃ 4. Khiṇāsavomhi, machasaṃ 5. Koṭiviso, machasaṃ
[BJT Page 548] [\x 548/]
[PTS Page 299] [\q 299/]
390. Pubbakammapilotikāpadānaṃ
3341. Anotattasarāsante ramaṇiye
silātale,
Nānāratanapajjote nānāgandhavanannare.
3342. Mahatā bhikkhusaṅghena pareto
lokanāyako,
Āsino vyākari tattha pubbakammāni
attano.
3343. Suṇātha bhikkhavo mayhaṃ
yaṃ kammaṃ pakataṃ mayā,
Pilotikassa kammassa buddhattepi vipaccati*
3344. Munāḷi nāmahaṃ
dhutto pubbe aññāsu jātisu,
Paccekabuddhaṃ sarabhuṃ1- abbhācikkhiṃ
adūsakaṃ.
3345. Tena kammavipākena niraye saṃsariṃ
ciraṃ,
Abbhakkhānaṃ mayā laddhaṃ
sundarikāya kāraṇā.
3346. Tena kammāvasesena idha pacchimake
bhave,
Abbhakkhānaṃ mayā laddhaṃ
sundharikāya kāraṇā.
3347. Sabbābhibhussa buddhassa nando
nāmāsi sāvako,
Taṃ abbhakkhāya niraye ciraṃ
saṃsaritaṃ mayā.
3348. Dasavassasahassāni niraye saṃsariṃ
ciraṃ,
Manussabhāvaṃ laddhāhaṃ
abbhakkhānaṃ bahuṃ labhiṃ.
3349. Tena kammāvasesena ciñcamānavikā
mamaṃ,
Abbhakkhāsi3- abhutena janakāyassa
aggato.
3350. Brāhmaṇo sutavā āsiṃ
ahaṃ sakkatapujito,
Mahāvane pañcasate mante vācemi
māṇave.
3351. Tatthāgato isi bhimo pañcabhiñño
mahiddhiko,
Tañcāhamāgataṃ disvā
abbhācikkhimadūsakaṃ.
3352. Tatohaṃ avacaṃ sisse kāmabhogi
ayaṃ isi,
Mayhampi bhāsamānassa anumodiṃsu
māṇavā.
3353. Tato māṇavakā sabbe
bhikkhamānā4- kule kule,
Mahājanassa āhaṃsu kāmabhogī
ayaṃ isi.
* Suṇātha bhikkhave mayhaṃ
kammaṃ pakataṃ mayā, ekaṃ araññikaṃ
bhikkhuṃ disvā dinnaṃ pilotikaṃ patthitaṃ paṭhamaṃ
buddhaṃ buddhatatāya mayā tadā, pitikessa kammassa
buddhattepivipaccati gopālako pure āsiṃ gāciṃ
pājeti gocaraṃ, pivantiṃ udakaṃ ācilaṃ
gāviṃ disvā nivārayiṃ tena kamamavipākena
idha pacchimake bhave, pipāsito yadicchakaṃ na hi pātuṃ
labhāmahaṃ syā.
1. Surabhiṃ, machasaṃ 2. Saṃsaritaṃ,
machasaṃ 3. Abbhācikkhi, machasaṃ 4. Bhikkhamānaṃ,
machasaṃ
[BJT Page 550] [\x 550/]
[PTS Page 300] [\q 300/]
3354. Tena kammavipakena pañca bhikkhusatā
ime,
Abbhakkhānaṃ labhuṃ sabbe
sundarikāya kāraṇā.
3355. Vemātubhātaraṃ pubbe
dhanahetu haniṃ ahaṃ,
Pakkhipiṃ giriduggasmiṃ silāya
ca apiṃsayiṃ.
3356. Tena kammavipakena devadatto sīlaṃ
khipi,
Aṅguṭṭhaṃ piṃsayi
pāde mama pāsāraṇasakkharā.
3357. Purebhaṃ dārako hutvā
kiḷamāno mahāpathe,
Paccekabuddhaṃ disvāna magge sakalikaṃ
khipiṃ1-
3358. Tena kammavipākena idha pacchimake
bhave,
Vadhatthaṃ maṃ devadatto abhimāre
payojayi.
3359. Hatthāroho pure āsiṃ
paccekamunimuttamaṃ,
Piṇḍāya vicarantaṃ
taṃ āsādesiṃ gajetahaṃ.
3360. Tena kammavipākena bhanto nālāgiri
gajo,
Giribbaje puracare dāruṇo maṃ
upāgami2-
3361. Rājāhaṃ patthivo3-
āsiṃ sattinā purisaṃ hatiṃ,
Tena kammavipākena niraye paccisaṃ
bhusaṃ.
3362. Kammuno tassa sesena idāni sakalaṃ
mama,
Pāde chaviṃ pakopesi4- na hi kammaṃ
vinassati.
3363. Ahaṃ kevaṭṭagāmasmiṃ
ahuṃ kevaṭṭadārako,
Macchake ghātite disvā janayiṃ
somanassakaṃ.
3364. Tena kammavipākena sisadukkhaṃ
ahu mama,
Sabbe sakkā ca haññiṃsu
yadā hati viḍuḍabho5-
3365. Phussassāhaṃ pāvacane
sāvake paribhāsayiṃ,
Yavaṃ khādatha bhuñjatha
mā ca bhujajatha sālayo6-
[PTS Page 301] [\q 301/]
3366. Tena kammavipākena temāsaṃ
khāditaṃ yavaṃ,
Nimantito brāhmaṇena verañajāyaṃ
vasiṃ7- tadā.
3367. Nibbuddhe vattamānambhi mallaputtaṃ
niheṭhayiṃ8,
Tena kammavilākena piṭṭhidukkhaṃ
mamaṃ ahuṃ.
1. Dabhiṃ, syā 2. Samupāgami, machasaṃ 3. Pattiko syā 4. Pakappesi, machasaṃ 5. Viḍḍubho, machasaṃ 6. Sāliyo, simu 7. Vasaṃ, simu 8. Nisedhayiṃ, syā
[BJT Page 552] [\x 552/]
3368. Tikicchako ahaṃ āsiṃ
seṭṭhiputtaṃ viceyiṃ,
Tena kammavipākena hoti pakkhandikā
mama.
3369. Avacāhaṃ jotipālo sugataṃ
kassapaṃ tadā,
Kuto nu bodhi muṇḍassa bodhi
paramadullabhā.
3370. Tena kammavipākena acariṃ
dukkaraṃ bahuṃ,
Chabbassānuruvelāyaṃ tato
bodhimapāpuṇiṃ.
3371. Nāhaṃ etena maggenana pāpuṇiṃ
bodhimuttamaṃ,
Kummaggena gavesissaṃ pubbakammena cārito.
3372. Puññapāpaparikkhiṇo
sabbasantāpavajjito,
Asoko anupāyoso nibbāyissamanāsavo.
3373. Evaṃ jino viyākāsi
bhikkhusaṅghassa aggato,
Sabbābhiññābalappatto
anotatte mahāsare.
Itthaṃ sudaṃ bhagavā attano pubbacaritaṃ pubbakammapilotikaṃ1-nāma dhammapariyāyaṃ abhāsi. Pubbakammapilotikaṃ nāma buddhāpadānaṃ dasamaṃ.
Uddānaṃ:
Avaṇṭaṃ labujañceva
udumbarapilakkhu ca
Phāru valli ca kādali panaso
koṭivisako
Pubbakammapiloti ca apadānaṃ mahesino
Gāthāyo ekanavuti gaṇitāyo
vibhāvihi.
- Avaṇṭaphalavaggo ekunavatatālisatimo.
-